Kaso sa HIV-AIDS maka-alarma na

DAVAO City––Naa na sumala pa sa alarming level ang kaso sa HIV-AIDS sa dakbayan sa Dabaw.
Mi-abot na karon sa 189 ang total reported cases sa HIV-AIDS sa syudad gikan sa tuig 1993 hangtud sa bulan sa Setyembre 2011.
Sa nahisgutang ihap, 173 niini mga lalaki samtang 16 usab ang mga babaye.   
Samtang 62 usab sa nahisgutang kaso ang gikalambigitan sa mga kabataan nga nagpangidaron ug gikan 15-anyos hangtud 24-anyos.
Mokabat na usab sa 23 ka mga pasyente ang gikatahong namatay sukad 1993 hangtud 2011.
Nag-una nga hinungdan sa pagtakboy sa sakit mao ang panaghilawas sa mga babaye ug lalaki ug labaw sa tanan sa mga lalaki ngadto sa mga susama niining lalaki.
Sa pagka-karon, duna pay 166 ka mga pasyente ang nagpabilin pang buhi diin 154 niini mga lalaki ug 12 mga babaye.
Dugang gibutyag sa CHO nga mas taas ang ihap sa mga unreported cases sa HIV-AIDS nga gibana-banang uoat hangtud lima ka pilo nga mas daghan kung itandi sa reported cases sa dakbayan.