Police Report, sinulat ni Harry del Puerto

Balay gilungkab
KAPUNGOT ang gibati sa 62 anyos nga lalaking biktima human ang iyang mahalong kabtangan kon computer monitoring screen, timex, perfume, rubber shoes nga mokabat sa P11,750 ka pesos ang gikawat sa wala mailhing kawatan nga nahitabo alas 6 sa buntag sa P-4, Tablon, Baloy, Cagayan de Oro. Ang 62 anyos nga lalaking biktima mao si Jaime Misael, minyo molupyo sa nasangpit nga dapit.

Water meter gikawat
NAGLISOD sa pagkaligo ang 43 anyos nga biktima gumikan kay wala na moagas ang tubig gikan sa gripo sa dihang ilang  na diskobrehan  wala na ang water meter sa tubig nga nahitabo alas 6 sa buntag sa Zone-8, Barangay Cugman, Cagayan de Oro. Ang biktima mao si Fe Felicilda, 43 anyos, minyo, molupyo sa nasangpit nga dapit, samtang ang gitumbok nga suspetsado mao si Wilson Gabule, 43 anyos, molupyo sa Barangay, Balulang, Cagayan de Oro.

53 anyos gikuotan
KASUKO ang gibati sa babaying biktima human ang iyang coin purse, kolor gray nga may sulod nga P2,500 ka pesos ang gikuot kini samtang sulod sa iyang shoulder bag nga nahitabo alas 9:30 sa buntag samtang sakay sa PUJ nga Gusa-liner, Cagayan de Oro. Ang 53 anyos nga biktima mao si Cecilia Leona, minyo, molupyo sa Jasaan, Misamis Oriental.

Ginikanan mireklamo
DISTURBO, puwerhisyo sa mga ginikanan ang nasinati gumikan ning mga ilegal nga karera machine nga matud pa naa sa balay ni Aida Rosalada apil ang 6 ka mga video games/computer sa balay ni Benjie Dagonio ang nakahatag ug problema sa mga ginikanan nga nanimoyo sa maong dapit nga nahitabo alas 6:30 sa buntag diha sa Barangay 34, Cagayan de Oro. Ang complainant mao sila si Emelda Estaño y Abelo, 29 anyos, minyo, ug Myrna Damasing y Satolombon, 43 anyos, dalaga, parehong molupyo sa Barangay 34.

Sugarol gikawatan
WALA na motogtogaok ang manok itatare sa nasangpit nga biktima kini human gisikoy sa wala mailing kawatan nga nahitabo alas 2:30 sa buntag sulod sa iyang nataran dinha sa P-12, Barangay Tablon, Cagayan de Oro.Ang biktima mao si Ernesto Cabutahe y morales ,40 anyos, molupyo sa nasangpit nga dapit.
PASWERTE: 911,128,125.

Police Report ni Harry del Puerto

55-mil nasigpaw
MAGUL-ANON nga mi-report sa kapolisan ang 49 anyos nga lalaki human ang iyang Nickon camera (model D5000), kolor itom apil ang charger, bag nga mobalor sa P50,000 ka pesos dala ang cellular phone nga Blackberry nga P5,000, tanan mokabat sa 55-mil, ang gikawat sa wala mailhing kawatan nga nahitabo alas 2 sa kadlawon niadtong milabay’ng adlaw diha sa Rosewood Heights Subdivision, Barangay Camaman-an, Cagayan de Oro. Ang 49 anyos nga biktima mao si Renato Lomadilla, single, molupyo sa nasangpit nga dapit. Matud sa biktima, nakahigayon ang kawatan sa pagkawat gumikan didto nakalontud sa dining table duol sa bintana ang iyang butang.

2 ka biktima
gitionan ug pusil
BUN-OG ug KAHADLOK ang gibati sa 2 ka biktima human palopare ug kumo sa suspetsado dayon milanit pa sa iyang armas nga .38 nga pistola ug nanggulat pa pinaagi sa pag-ingon “patyon tamo” nga nahitabo alas 3 kapin kon kulang sa hapon diha sa Bolonsiri, Barangay Camaman-an, Cagayan de Oro. Ang duha ka biktima mao sila si Merculino Suello, 33 anyos, minyo, ug Albino Abarquez, 37 anyos, molupyo sa Bolonsiri, Barangay Camaman-an, samtang ang gitumbok nga suspetsado mao si Cesario Auxtero, hingkod ang panuigon.

Barangay tanod gikawatan
KASUKO ang gibati sa barangay tanod tungod kay ang iyang welding machine nga mobalor sa P14,000 ka pesos dala ang cable wire (20 meters ang gitas-on) ug desk fan, kolor itom ang gikawat sa wala mailhing kawatan nga nahitabo alas 5:45 sa buntag diha sulod sa iyang pinuy-anan sa Justo Ramonal Street, Barangay 29, Cagayan de Oro. Ang biktima mao si Angelo Cabe, 43 anyos.

4 ka batan-on nasikop sa mga
pulis atol sa saturation drive
NADAKPAN ang 4 ka mga batan-on atol sa gipahigayon nga saturation drive sa Police Station 2 sa Cogon, Cagayan de Oro. Matod ni Police Sr. Insp. Elmer Robas nga ang mga nasikop mao sila Alvin Casaguan,18 anyos; Alcodin Ali, 18 anyos; Cosain Magumnang, 18 anyos; ug Aldie Dipatuan,18 anyos. Nasikop ang 4 mga alas 9 sa gabii niadtong milabay’ng adlaw sa Capt. Vicente Roa ug Hayes Streets, Barangay 38, Cagayan de Oro.
===
PA SUERTE PARA KARONG ADLAWA……526..125..

Police Report, ni Harry del Puerto

 

Police checkpoint
NASIKOP ang ubay-ubay nga mga motorista ug mga vendors nga gagamit ug kariton atol sa gipahigayon nga checkpoint diha sa  JR Borja Extension inabagan sa Police Station no. 2 ubos ni police Sr. Insp. Elmer Feliciano Robas, ang hepe sa PS2-cogon. Gikabutyag nga dunay 3 ka motor ug 5 ka kariton ang nadakpan tungod sa lain laing mga violations. Dugang niini gihingusgan usab ni Robas ang pagpangsikop sa mga batan-on nga dunay mga police character ug kadudahang lihok gumikan sa sunod-sunod nga mga panghitabo sa iyang area of responsibility.

Pawnshop gikawatan 45-mil nadala
MALAMPUSON nga nadala sa kawatan ang white gold necklace nga mobalor sa 45-mil ka pesos sa dihang nagpili-pili ang suspect sa items apan nalipat ang tindera sa dihang dunay laing miduol nga customer ug didto nakahigayon ang kawatan sa pag-ikyas dala ang mahalong alahas nga nahitabo alas 8:45 kapin kon kulang  sa buntag diha sa Nore Gold Pawnshop & Jewelry nga naa mahimutang sa JR Borja Street, Barangay 32 ning dakbayan sa Cagayan de Oro. Ang biktima mao si Emma Abujuela Cabunoc, 55 anyos, balo, molupyo sa Salay, Misamis Oriental kasamtangan stay-in sa nasangpit nga pawnshop.

Angel & Sam Construction
gireklamo ngadto sa kapolisan
GUMIKAN sa kabug-at sa Bulldozer, Dumptruck, Payloader ug uban pang mga heavy equipment nga gipanag-iyahan ni Ludy Fuentes nga maoy hinungdan sa pagkaguba sa private road ni Lily Saa nga naa mahimutang sa Macajalar, Barangay Camaman-an ning syodad sa Cagayan de Oro. Si PO3 Cherly Labis Tagbo, PNP member, nga naa ma-assign sa Police Station 9, in behalf ni Lily Saa mipa-blotter sa maong problema kay matud pa since January 2010 pa ang ilang pag-antos sa  maong mga heavy equipment busa midangop ang pulis sa pamasin nga mahatagan og action ang ilang problema.

Asawa gilapangga sa bana
BUN-OG ug kaulaw ang naangkon sa pobreng asawa kini human dagmali sa iyang bana pinaagi sa pagbunal ug bangko atubangan sa daghang tawo nga nahitabo alas 7 sa buntag diha sa Yacapin Street atubangan sa De Oro People’s Commercial ning syudad sa Cagayan de Oro. Ang biktima mao si Ludivina Galagar y Brantes, 40 anyos, minyo, molupyo sa Quirino Street, Barangay 34, usa ka sidewalk vendor samtang ang gitumbok nga suspetsadong bana mao si Edison Galagar y Lagui, 41 anyos, molupyo sa nasangpit nga dapit.
——
Kalipayan karong adlawa……982,869,125….try lang

Police Report , sinulat ni Harry del Puerto

Sekyu giilogan og armas
NAGKADUGO nga nagpatabang sa kapolisan ang security guard nga naa ma-assign sa Petron gas station sa Barangay Camaman-an, Cagayan de Oro kini human tabangi ug kolata sa 10 ka tawo, wala pa makuntento ang suspetsado gidunggab pa kini sa walang bahin sa iyang liog ug toong bahin sa iyang dughan dayon ilog sa iyang armas nga .38 kalibre nga pistola nga nahitabo alas 3:30  sa kaadlawon niadtong milabay’ng adlaw. Ang biktima mao si S/G Marlon Cinco, hingkod ang panuigon under sa GSA Security Agency.

Pasahero gi holdup
NERBYOS ang gibati sa 30 anyos nga pasahero sa PUJ-Kauswagan Liner human ti-oni sa armas nga .38 nga pistola sa duha ka wala mailhing tulisan ug malamposon nga milanit sa gold necklace nga mobalor sa 2,000 ka pesos dayon ambak sakay sa single motor nga nahitabo alas 11 sa buntag niadtong milabay’ng adlaw sa Hayes ug Mortola  Streets, Cagayan de Oro. Ang biktima mao si Margie Grace Ambol, 30, dalaga, mulupyo sa Zayas, Barangay Carmen.

Vendor gikawatan
IMPAS ang DVD portable player nga mobalor sa 6,000 ka pesos human gikawat sa wala mailhing kawatan samtang nakabutang sa iyang stall nga nahitabo alas 12 sa kagabion sa 2nd floor, Cogon market, Cagayan de oro. Ang 34 anyos nga babayeng biktima mao si Jennifer Otero, minyo ug usa ka vendor sa Cogon market.

P86,665 gitabla sa customer
KASUKO ang gibati sa manager sa hotel human pakyas sa pagbayad ang duha ka customer nga mi check-in sulod sa duha ka bulan nga mobalor sa 86,665 ka pesos. Ang Traveler’s Pod anaa nahimutang sa ground floor sa Limketkai Gateway Tower, Limketkai Center, Barangay Lapasan, Cagayan de Oro. Ang manager mao si Karen Diane Bass, 26 anyos, mulupyo sa Tibasak, Macasandig samtang ang gitumbok nga suspetsado mao si Archieval Gunnacao, hingkod ang panuigon uban sa iyang ka live-in partner nga si Alma B. Enrile parehong mulupyo sa Taytay Rizal, Cavite.

Babaye gi-holdup
WALA kalihok ang 22 anyos nga biktima human ti-oni sa iyang hawak sa wala matino nga armas sa 3 ka wala mailhing tulisan ug nakuha ang iyang cellular phone [Samsung] nga mobalor sa 4,700 ka pesos samtang sakay sa PUJ-Lapasan Liner nga nahitabo alas 12:30 sa kaudtohon diha sa JR Borja Street, Cagayan de Oro. Ang biktima mao si Jennifer Olarte, 22 anyos, single, mulupyo sa Puntod, Macabalan, Cagayan de Oro. Ang mga suspek matod pa misakay sa usa ka motorsiklo nga color pula ug walay plate number.

HOT NUMBER….128*125*784*CONGRATS
‘N ADVANCE

Police Report , sinulat ni Harry del Puerto

Driver nagmaneho
nga walay lisensya?
GUMIKAN sa kadanghag sa driver sa motorcycle, wala niya masayre nga nag drive siya nga wala nay lisensya, kini human ang iyang pitaka ang nahulog nga may sulod nga salaping cash nga mokabat sa P3,800 dala ang iyang driver’s license, ATM ug uban pang mahinungdanong dokumento sulod sa iyang wallet, color itom nga nahitabo alas 9 sa buntag niadtong milabay’ng adlaw diha sa Corrales Street, Cagayan de Oro.
Ang biktima mao si Marwen Yeke y Bukad, 28 anyos, mulupyo sa Chavez compound, Barangay Carmen.

15 anyos na hit and run
SAMAD, ug bun-og ang naangkon sa menor de edad nga babayeng biktima human mabundoli sa multicab nga Balulang liner nga nagtangag sa plaka nga KVR-719 nga nahitabo alas 5:30 sa hapon niadtong milabay’ng adlaw diha atubangan sa Maternity hospital, Cagayan de Oro.
Ang 15 anyos nga babayeng biktima nga tawgon ta lang sa “Inday,” mulupyo sa Block 4, Lot 6, Villamar, Iponan.

Pension house gitablahan
NAGPATABANG sa kapolisan sa Macasandig ang tag-iya sa Macasandig Pension House human wala na mobayad ang customer sulod sa lima ka bulan niyang pag stay sa nasangpit nga lodge diha sa Barangay Macasandig, Cagayan de Oro.
Ang biktima mao si Adela Tumampok, hingkod ang panuigon, mulupyo sa Clementeno Chavez samtang ang gitumbok nga suspetsado mao si Ronnie Dominggo, hingkod ang panuigon  ug lumad nga taga Davao City.

Motorela na napingsan
NA-OTSO ang ligid sa usa ka motorela human kini mapingsan sa armor car, nga nagtangag sa plaka nga GLD-734, sa Maayong Security Agency nga nahitabo sa alas 11 sa buntag diha sa dalang Justo Ramonal, Cagayan de Oro.
Ang biktima mao si Edmer Baterna y Matagarias, hingkod ang panuigon ug mulupyo sa Manuel Vega, Cagayan de Oro.

Bisikleta gikawat
NAGBAKLAY na lang ang tag-iya sa bisikleta human gikawat sa wala mailhing kawatan ang iyang BMX bike nga mobalor sa P2,500 ka pesos samtang nakaparada sulod sa ilang balay nga nahitabo alas 5:30 sa buntag niadtong milabay,ng adlaw diha sa Zone-2, Lower Bulua, Cagayan de Oro.Ang biktima mao si Ma.Carla Tolido y Naknak, hingkod ang panuigon, minyo, mulupyo sa nasangpit nga dapit. Ang kaso sa pagkakaron gipaubos na sa imbestigasyon sa Bulua police station samtang ang suspect pabiling gawasnon.
—-
PA SUERTE KARONG ADLAWA…..128-967

Minugbong Balita -CDO, ni Harry del Puerto

Fixer sa LTO misi-aw
NAILAD sa kantidad nga P6,100 ka pesos ang babayeng biktima agi’g bayad unta sa rehistro sa iyang sakyanan apan hangtud ning panahona wala na mopatim-aw ang nasangpit nga “fixer sa LTO” nga nahitabo diha sa Barangay Puerto, Cagayan de Oro.
Ang 49-anyos nga babayeng biktima mao si Raquel D. Suarez, mulupyo sa No. 10, Pitsburg Street, Celdran Village, Iligan City samtang ang gitumbok nga suspetsado mao si Juvahune Batasan, hingkod ang panoigon, mulupyo sa Purok-2, Barangay Puerto.

Lalaki gikuotan
KAHILAKON nga nagpa blotter sa kapolisan ang biktima kini human ang iyang Nokia  cellphone ug wallet apil ang mahinungdanong dokumento ang nasignit sa suspetsado’ng kawatan nga nahitabo ala 1:30 sa buntag niadtong milabay’ng adlaw sa Barangay Puerto, Cagayan de Oro.
Ang biktima mao si Wilson Dabon y Gaccion 34 anyos ulitawo molopyo sa Pob.Tagoloan Mis.Or.,ang maong kaso natala na sa kapolisan sa Puerto.

20-anyos nabanggaan
NATARANTA ang driver sa single motor kini human ang kapolisan sa Puerto nagpahigayon ug check-point sa kadalanan ug dali kining miliko balik sa iyang naagian apan sa dihang dunay mitabok sa dalan wala niya mabantayi gumikan sa iyang kataranta ug maoy hinungdan sa pagka bangga-i sa biktima, samad, ug bun-og sa kalawasan ang naangkon sa biktima nga nadala sa tambalanan nga nahitabo alas 4:20 sa hapon niadtong milabay’ng adlaw sa Puerto National Hi-way ning dakbayan sa Cagayan de Oro.
Ang biktima mao si Joshoa Macaboac, 20 anyos, ulitawo, mulupyo sa Zone-6, Barangay Bugo samtang ang suspetsadong driver mao si Jelven Noval y Solon, 24-anyos, mulupyo sa Sta. Cruz, Tagoloan, Misamis Oriental. Matud sa kapolisan sa Puerto walay driver’s license ang nasangpit nga driver nga nagtingkagol sa PS-6, Puerto.

P5,000 mil gikawat
NAGPATABANG sa kapolisan ang 27-anyos nga lalaking biktima kini human ang iyang wallet nga may sulod nga salaping cash nga mo balor sa 5-mil ka pesos apil na ang iyang mga mahinungdanong dokumento ang nadala sa suspetsado nga nahitabo dinha sa national hi-way Barangay Bugo, Cagayan de Oro.
Ang biktima mao si Daniel Crismon Omahon y Vidal, 27-anyos, mulupyo sa Manolo Fortich, Bukidnon.

Police Report ni Harry del puerto

Drayber gipusil
PATAY ang drayber sa motorized trisikad human gipusil sa duha ka suspetsado nga nagsakay og motorsiklo nga color pula ginamit ang .45 kalibre nga armas ug naigo sa likod ug paa nga nahitabo alas 6 sa gabii niadtong milabay nga adlaw sa Purok-3, Barangay Tablon, Cagayan de Oro.
Ang biktima mao si Leo Periko, hingkod ang panuigon, minyo, ug lumad sa Kibawe, Bukidnon samtang ang suspetsado giila lamang sa alyas “Toto” ug “Vito” nga taga Barangay Carmen.

Babaye nailad
KAGUOL ang gibati sa 32-anyos nga biktima human ang iyang napalit nga necklace dala ang pendant sa balor nga P1,000 usa ka peke nga nahitabo alas 2 sa hapon sa Osmeña Street, Cagayan de Oro.
Ang biktima mao si Gladys Abao, 32 anyos, mulupyo sa San Roque, Mahinog, Camiguin ug empleyado sa BFAR, Region 10 samtang ang responsabling mangingilad wala pa mailhi hangtud sa pagsulat ning balita.

P350 mil cash natabla
NAGPANGAGOT sa ngipon ang biktima sa tumang kasuko human ang iyang P350,000 nga salaping cash nga ikapital unta sa pamolawan ang nadiskuhido sa iyang kasosyo nga maoy nagdala kon nagpasalig nga para gamiton sa gold mining apan wala na magpakita apan wala damha sa higayon nga nagkatagbo ang duha  nga nahitabo alas 6 sa gabii diha sa Daumar ug JR Borja, Cagayan de Oro.
Ang biktima mao si Amorosio Jagapi, 50 anyos, minyo, mulupyo sa zone 8, Barangay Cugman ug usa ka provincial capitol guard samtang ang gitumbok nga suspetsado mao si Pablo Tagayong, mulupyo sa Barangay Indahag.

Balay gi-ransak
HARBES ang duha ka cellular phone nga mobalor sa P4,000 ka pesos human lungkaba sa wala mailang kawatan ang dingding sa balay nga nahitabo alas 3:00 sa buntag diha sa Barangay 34, Cagayan de Oro.
Ang biktima mao si Rolly Enoc, molopyo sa Barangay 17, Cagayan de Oro samtang ang suspetsado padayon pang gipangita sa kapolisan.

Police Report – CDO , ni Harry del Puerto

Lalaki gidunggab