Komperensiya sa ‘5 Marks of Mission’

“PAGPROKLAMA sa ‘maayong balita’ mahitungod sa Ginghari-an,” gituki ni Father Mark James Rogers (Saint John’s Cathedral – Hongkong) atol sa Conference on Five Marks of Mission karong bag-o.
Ang maong komperenisy  diha sa DCENT Center, Bulua, Cagayan de Oro, petsa-28-30 sa Nobyembre ning tuiga, gitambongan sa kapin 100 ka mga obispo, kaparian ug ginsakpan sa IFI Dioceses sa Pagadian, MOBUCA, Libertad ug AguSuris.

Tripulante’ng walay SIB, kutob pantalan lang

MGA tripulante sa mga barko’ng ubos sa 35 gross-tons (GT) kinahanglang dunay Seafarer’s Identification Book (SIB) sa dili pa makasakay.
Matud ni MARINA 10 Director Emmanuel Carpio, tuyo nilang maluwas ang kinabuhi sa mga pasahero sa barko.
Kini nga lagda gipasubay sa “Rules in the Issuance of SIB”, ubos sa MARINA Memorandum Circular No. 2010-02.

Tunnel sa City Jail Gitabunan na

GISUGDAN na’g tabon sa Bureau of Jail Management and Penology (BJMP) ang 86-metros nga ‘tunnel’ dool sa Lumbia Detention and Rehabilitation Center.

‘Pista sa Kaumahan’ ilusad

“GISUGDAN kagahapon ang PISTA sa Kaumahan” sa Cagayan de Oro ug tapuson karong adlawa subay sa temang “Kalampusan Maangkon Kung Adunay Panaghiusa”. Dunay contests sa booth, Hawaiian Dance, dayang-dayang, ethnic dance ug ‘shall we dance’; sack race, wheel borrow game, trip-to-Jerusalem, longest line, egg relay, poster-making ug pinaka. Contest sa pinakataas nga sitao, ampalaya, bulig sa saging kadisnon ug talong; pinakadakong kalabasa, nangka ug bulig sa butong; ug pinakagwapang kanding. Adunay parada sa CDO Horsemen, ABC Districts, city officials, RIC, department heads, city hall working committee; farmers, coop, fishery, livestock, youth sectors ug libreng horseback riding. (uban sa report ni Cheryl C. Moncay, CIO/PIA/jdelp)

Run united sa cdo

LIBO-AN ka amateur ug professional runners, gipaabot nga mosalmot sa Run United Regional Series sa Cagayan de Oro, petsa-27 sa Nobyembre ning tuiga. Hiniusang proyekto sa Unilab, RunRio, Inc. ug Circle Productions, kini adunay 500-meter (kids), 3k, 5k, 10k ug 21k nga mga kategogiya uban sa dagkong premyong cash. (jdelpf)

TF Iponan River gimugna

GIMUGNA sa DENR ang Task Force Iponan River (TFIR) aron ma-undang ang illegal mining activities dihang dapit ug sa Opol, Misamis Oriental.

Pasidungog kang titser

MGA estudyante sa Bulua National High School midalit og pungpong sa mga bulak ngadto sa ilahang titser atol sa Teachers’ Day sa miaging semana.  Yano, apan makahuloganong pagpasidungog  ug pag-ila sa mga magtutudlo nga mi-umol sa kabataang pagla-um sa nasod sa umaabot nga mga panahon. (Hulagway kuha ni Mr. Exuperio Zagado /PIA-10/jdelpf)

Lipay bisag gamay

MAYOR Vicente Emano nahimu-ot kaayong nagsud-ong sa katawhan sa barangay Dansolihon nga midawat sa ilahang tag-duha ka kilong bugas atol sa People-to-People Program), Oct. 5, 2011. (CIO/jdelpf)

4ID host sa Civilian Personnel Supervisory Training

KAWHAN ug tulo ka civilian personnel sa  Philippine Army  mitambong sa upat ka semanang Civilian Personnel Basic Supervisory Training diha sa Camp Evangelista karong bag-o.

GSIS may kiosko na sa CDO City Hall

GSIS Chair Daniel Lacson Jr. (ikatulo gikan sa wala)  ug GSIS Pres/GM Robert Vergara (ika-unom gikan sa wala) atol sa pagsubo sa GSIS Wireless Automated Processing System (GWAPS) kiosk sa Cagayan de Oro City Hall.  Si Mayor Vicente Emano nakasiguro nga kini makadali sa transaksiyon sa 3,000 ka kawani sa city hall, ilabi na sa ilahang GSIS loans. Anaa usab sa hulagway (gikan sa wala) si GSIS SVP-VisMin Dionisio Ebdane Jr.;   GSIS VP-IT Noli Subingsubing; Office-of-the-Mayor Employee Marietta Antigua; ug GSIS Regional Manager Maria Luz Ilano-Briones. (CIO/PIA-10/jdelpf)