Mga mag-uuma may pang-asdang na batok sa mga risgo
KAPIN 250 ka mag-uuma mipasar sa Weather Index-Based Insurance (WIBI) orientation. Ang WIBI usa ka crop insurance package batok sa risgo nga giatubang sa mga mag-uuma tungod sa climate change. Sa laing bahin, doolan sa 250 ka grade school children sa 13 ka barangay sa Lianga, Surigao Sur ang adunay TB. Kini nasusihan atol sa tulo ka adlaw’ng anti-TB info and detection drive karong bag-o. Sa dugang SMS, gipahigayon ang duha ka adlaw’ng cataract operation sa pito ka lungsod sa Dinagat Island Province. Ang kalihokan ubos sa Vision 2020 Program nga tumong sa pagminus sa gidaghanon sa mga tawo’ng adunay cataract ug ptyredium nga sagad mosangpot sa pagkabuta. Nagtinabangay sa galastohan ang pito ka lungsod, provincial health office, Mabuhay Deseret Foundation ug Loving Presence Foundation, sumala ni Provincial PIO Inday Roxas. Read more…
SI Mr. Jay Jaboneta, founder sa PHL for Kids, mituki sa topic Social Media for Social Change atol sa pagbukas sa Mindanao Communicators Network (MindaComNet) Congress sa General Santos City kaniadtong usang adlaw. Ang tulo ka adlaw’ng kongreso gitamboangan sa info officers, PIA regional directors ug mga kawani. Si Mr. Jaboneta maoy kanhing pangulo sa OP New Media. Sa laing bahin, si Director Epifania Bulaon sa People’s Bank of Caraga miingon nga kung ang mga mag-uuma walay marketing arm alang sa ilahang mga produkto, masmaayong ang LGUs na lay modumala. Matud niya, kung LGUs maoy mopadagan sa negosyo, dili na kinahanglang manghulam pa’g salapi ang mga mag-uuma.
VIOLENCE Against Women and Children (VAW-C) dili mopili’g pangidaron sa biktima, matud ni Rep. Angelica Amante-Matba (Agusan Norte) atol sa pagbukas sa 18-Day Campaign to End Violence Against Women sa dakbayan sa Butuan. Siya miingon nga daghang kababayen-an ang nag-antos sa abusong pesikal, emosyonal ug sikolohikal, binuhatan sa kalalakin-an. Read more…
SURIGAO Norte – Gipalihok ang unom ka zone coordinators aron hapsay ang Damage Assessment and Needs Analysis sa bagyong Ramon. Gitudlo ni Acting Gov. Mamerto Galanida sila si Mr. Manny Kong (Z-1/Surigao City), Asst Provl Adm Ramon Gotinga (Z-2/San Francisco, Malimono, Z-6/Siargao), Provl Agri Gromyko Geraldino (Z-3/Sison, Tagana-an, Placer), Dr. Panfilo Jorge Tremedal (Z-4/Tubod, Mainit, Alegria) ug PESO Manager Emilio Pantejo (Z-5/Bacuag, Gigaquit, Claver). Sa pikas nga bahin, taga-Carmen, Surigao Sur ang bag-ong DepEd Division Supt. Siya si Dr. Teofila Cabatuan, kinsa midawat sa posisyon gikan ni OIC Gloria Su niadtong usang adlaw diha sa Tandag City.
ANG kadaugan sa ‘residency case’ sa usa ka Pinay didto sa Hongkong, gikalipay ni Sen. Chiz Escudero. Matud niya, usa kini ka landmark case nga unta sundon sa mga otoridad sa Hongkong ug itugot ngadto sa tanang Filipinos sa maong bahin sa kalibotan. Giawhag ni Sen Escudero ang DFA nga i-monitor og maayo ang implementasyon sa hukom. Sa laing bahin, gipasabot sa DSWD nga ang National Household Targeting System for Poverty Reduction (NHTS-PR) Program Database gi-angkla sa temang “Quality Social Protection for Focused Targeting: Improving Outcomes, Changing Lives”.
CARAGA Region – Ang gobyerno lokal makigsabot sa Caraga State University alang sa pagmugna og digital map sa dakbayan ug pag-update sa City Comprehensive Land Use Plan ug City Forest Land Use Plan. Sa laing bahin, naga-operate na ang tulo ka birthing homes sa Surigao City. Matud ni City Health Officer Arlene Felizarta, ang maong birthing homes nga anaa sa Brgys Washington, Luna ug San Juan, kompleto sa mga ekipo nga gihatag sa mga pribadong kompaniya ug sa Surigao City LGU.
CLAVER, Surigao Norte – DILG Sec. Jesse Robredo miingon nga malampuson ang iyahang meeting uban sa Taganito Mining Corp. ug Platinum Group Metals Corp. Atol sa tigom, siya misaad nga palamboon ang seguridad sa dapit. Iyang gisultihan ang Japanese nationals nga “dugang sa among pagahimoon, kung duna pay inyong gusto namong himoon, ingna lamang kami.” Samtang ang Regl Council for Disability Affairs sa Caraga nag-accessibility audit sa provincial capitol building sa Agusan Sur ug municipal hall sa San Francisco, Agusan Sur, Oct. 5 ning tuiga.
BISLIG City – Sa radio program “Lihok Igsoong Bisliganon (LIB) Isalbar Ta Ang Bislig”, si Mayor Librado Navarro mibutyag sa mga ngalan sa drug pushers, drug users, mga kawatan ug mga akyat-bahay sa dakbayan. Mi-final warning siya sa mga natungdan aron tul-iron ang ilahang kasaypanan, sumala ni CIO Carlito Abar. Samtang gisaulog, Miyerkoles, ang Teachers’ Day sa Butuan City ug Agusan Norte. Sa maong adlaw, gitamod ang dakong papel sa teachers diha sa pagtubo sa usag-usa dinhi sa Pilipinas ug ubang kanasoran.
BUTUAN City – Senior citizens nag-’Hataw’ sa city hall grounds kaniadtong usang buntag, isip pagbukas sa Elderly Filipino Week celebration. Ang kalihokan nga gipasiugdahan sa Office of Senior Citizens Affairs, gisundan sa media briefing mahitungod sa selebrasyon. Sa laing bahin, nagsugod na ang tinuig nga ebalwasyon sa Surigao Sur “Gawad Probinsya sa KAPALIGIRAN (GPK) program. Sakop ang 17 ka kalungsoran ug duha ka dakbayan niini nga programa nga naga-ila sa positibong epekto sa kina-iyahan nganha sa kinabuhi sa mga Surigaonon.
SURIGAO City – BIR mipahigayon og duha ka adlaw’ng Change Management Seminar. Tumong sa seminar ang pagtuman sa panglantaw nga himoong world-class tax administration agency ang BIR. Samtang ang City Local Civil Registry Office mibutyag sa accomplishment niini sa Agosto ning tuiga, sama sa 404 birth registration, 60 marriage registration ug 123 death registration. Natala usab ang 35 ka petition alang sa correction of clerical error, change of first name ug uban pa.
Recent comments