Mindanao Daily Balita

Indigay sa Christmas decors nagsugod na

mindanaodailybalita — Mon, 05 Dec 2011 03:56:22 +0000

MALAYBALAY City––“Angels for Peace Around the World.” Mao kini ang tema para sa Christmas Decorations and Christmas Arcs competition nga gisugdan adtong Disyembre 1, 2011 sa mga alas-6 sa gabii didto sa city plaza ning dakbayan.
Ang lighting of the trees nagsugod uban nila Mayor Ignacio W. Zubiri nga nihatag sa iyang Christmas message, si Vice Mayor Victor P. Aldeguer sa opening remarks ug si city administrator Herculano S. Ronolo sa closing remarks. Ang programa gisaksihan usab sa uban nga mga opisyales ug mga katawhan sa Malaybalay City.
Ang kada opisina nga niapil sa competition adunay tagsa-tagsa ka mga kahoy para ilang idecorate, lights-up ug i-maintain hangtud mahuman ang competition.
The decorating activities nagsugod adtong Nobiyembre 14-29, 2011. Ug ang judging nagsugod sa Disyembre 1 ug sa Disyembre 21 mao ang gitakdang second judging.
Ang mga grupo nga niapil sa light a tree competition: Accounting & COA, City Mayor’s Office & City C6ourt, Assessors & Parole &Probation, Budget & Treasurer. CENRO & Legal office, CPDO & Registrar, GSO &Prosecutor’s office, HRMO &PNP, BJMP & Business Permits & licensing division, SP& Office of the City Vice Mayor, Agriculture & City Library, CSWDO & BFP-City Fire Station, Engineering &Senior Citizen’s office, Health & City Administrators office, City Vet & Slaughterhouse, CEEDMO. Ang Christmas decoration contest adunay 10 ka special awards nga tag 10,000php ang award each.
Ang Arcs o Gates Contest adunay 4 ka participants. Ang San Isidro College, Buk. Contractors Association (BUCA), Malaybalay Business Club (MBC), u gang Velomer Poultry & Piggery. Adunay 50,000php nga premyo sa 1st prize. Ang mga resulta sa contest i-announce sa Dec. 23, 2011 sa city Christmas party sa Freedom Park.
Sama sa miaging pasko si Mayor Ignacio Zubiri nanghatag ug “Handog Pamasko.” Usa kani sa box nga nagkantidad ug 500.00php kada isa , ang sulod ani mga grocery ug bugas kani gipanghatag sa 18,000 ka households sa mga barangay sa Malyabalay City. Adunay survey sa city alang sa “poorest among poor”, kini ang gibutyag ni City Administrator Herculano Ronolo nga nahinabi sa Mindanao Daily Balita atol sa kasaulugan sa Lighting of the trees.

Mga suspek pagpusil sa Bombo Radyo anchorman gikasuhan na

mindanaodailybalita — Mon, 05 Dec 2011 03:54:57 +0000

CAGAYAN de Oro City––Gihatagan sa napulo ka adlaw sa city prosecutor’s office ang duha ka suspek nga gitudlong suspek sa pagbusil sa chief of reporters ug Zonalibre anchorman sa Bombo Radyo Cagayan de Oro nga si Bombo James Licuanan aron makahatag sa ilang counter affidavit.
Kini human na rebyo na sa city prosecutor’s office ang kasong frustrated murder nga gipasaka sa Task Force Dacoycoy batok sa mga suspek.
Gibutyag ni chief City Prosecutor Fidel Macauyag nga personal na nilang nahatod ang subpoena sa mga gitudlong suspek aron makaduso sila sa mga counter affidavit niini.
Sumala ni Macauyag nga naggikan ang mga suspek sa Misamis Oriental ug Misamis Occidental.
Samtang padayon pa ang gihimong pagpangita sa mga otoridad ngadto sa mga suspek.
Kini aron mapatubag ang mga suspek aron sila dili mahimong idlas sa mata sa balaod.Dugtong niini,gikalikay ni Bombo James ang pagpasaka na sa kaso batok sa mga suspek.
Kini aron mapaubos na sa witness protection program sa Department of Justice kon DoJ.
Subling gipasalig usab ni Bombo James nga walay kausaban sa iyang pakigbisog sa programa ug kamatuoran niini gusto na niyang mobalik sa trabaho aron padayong ibulgar ang mga tawong nalambigit sa mga nagkadaiyang tinunto sa katilingban.
Hisayrang pauli si Bombo James gikan sa iyang programa niadtong miaging semana sa dihang giatangan ug gipusil kini hinungdan naigo siya sa sampot ug milahos pa sa tiyan niini. bomboradyo.com

Usa sa mipalit sa tuko gikasohan

mindanaodailybalita — Mon, 05 Dec 2011 03:53:54 +0000

GENERAL Santos City––Nasuta nga usa sa mga gikasuhan gumikan sa pagpamalit og tuko ang gaatubang og duha ka ihap nga kasong estafa.
Matud pa kang S/Supt. Albert Ferro, hepe sa Criminal Investigation and Detection Group (CIDG) 12 nga sa ilang pag-imbestiga kini mao si Mercily Cayetano.
Samtang ang laing dinakpan nga si Wesley Salibad ang giimbitahan sa CIDG national office nga magpaklaro gumikan sa reklamo batok kanila.
Una na nga gikompirma ni Ferro nga gikasuhan na ang upat ka mga dinakpan sa pagsupak sa Republic Act 9147 kon Wildlife Resources Conservation and Protection Act. Ang laing duha nga gikasuhan mao silang Mario Legaspi og Gilbert Mendoza.
Ang dul-an sa 2,000 ka mga tuko nga nakumpiska sa mga otoridad gikan sa kustudiya sa mga nasampit ang ilang gibuhian na sa Lake, South sa South Cotabato apan ang uban ang namatay.
Samtang gikompirma sa CIDG 12 chief nga ilang giimbestigahan usab ang laing mga ilegal nga aktibidad sa mga suspek.
bomboradyo.com

PNP Press Corps Caraga ‘go-go’ na!

mindanaodailybalita — Mon, 05 Dec 2011 03:50:53 +0000

CAMP Rodriguez, Butuan City––Napili ug nanumpa atubangan ni PNP Chief Nicanor A. Bartolome ang bag-ong mga opisyal sa PNP Press Corps – Caraga Region.
Matud ni P/Supt. Martin Gamba, info officer sa Police Regional Office (PRO-13), ang nanumpa mao sila si President Rey Brangan (Bombo Radyo), VP-Radio Jerry Campos (RMN), VP-TV Charmaine Awitan (ABS-CBN), VP-Print Print Cecil Ybañez (News Courier), Secretary Sassy Bubar (RMN), Treasurer Noel Najarro (Butuan Star) ug Auditor Louie Oranda (GMA).
Directors Edwin Bayer (Bombo), Franklin Caliguid (PDI), Gary Cruz (DXJM), Larry Diez (TV 5), Martin Dy (Love Radio), Junjie Esconia (Real FM ), Arjay S. Felicilda (Mindanao Daily Balita), Mike Imbo (Media Net), Jocelyn Morano (DxBN), Joel Portugal (Surigao Inquirer), Radyo Trumpeta, Obet Samonte (Business Week Mindanao) ug UNTV News.
Ang pagpanumpa gi-atol sa pagdu-aw ni PNPC Bartolome sa rehiyon kaniadtong Biyernes, anus-a iyang gisalmotan o gisaksihan ang walo ka dagkong programa, sama sa turnover sa P10M Regional Police 13 Hospital gikan sa DOH ngadto sa Police Regional Office – Caraga (PRO-13), pinangulohan ni P/Chief Supt. Reynaldo Rafal; paglusad sa Regional Tactical Operations Center (RTOC) ug sa Electronic Blotter (E-Blotter).
Dugang mga kalihokan nga gisaksihan ni PNPC Bartolome ang pagpagikan sa Special Action Force (SAF); blessing sa dugang mga sakyanan sa PNP; paglusad sa Task Force Surigao; paghatag og pasidungog ngadto sa talagsa-ong ginsakpan sa PRO-13; ug pagdawat sa rebel returnees.

Claveria Experiment Station holds Farmers Field Day

mindanaodailybalita — Mon, 05 Dec 2011 03:48:03 +0000

WITH the theme “Haum nga Teknolohiya Kalambuan sa Pagpanguma” the Claveria Experiment Station (CES) held its 10th CES farmers field day and techno forum last Nov. 24.
Now named as Agribusiness Development Station, CES is responsible in conducting research and development activities with major emphasis on technology commercialization of various commodities. The field day is one of the strategies in disseminating mature technologies for upland/hilly land farmers and likewise strengthen partnership with the LGUs, SCUs, private companies and other agriculture-related institution in implementing various agricultural programs.
The event is an annual activity with rounds of field tours showcasing 15 technologies which will help farmers carry on with the challenges of time. Farmers, local government units and other stakeholders alike witnessed the technologies showcased in the field that includes studies on upland rice, corn, coffee, sweet potatoes, adaptability trials on various Japanese crops and other value adding crops.
In his message Claveria Municipal Mayor Redentor N. Salvaleon said that with the technologies and knowledge gained will encourage the farmers to be more responsive in producing the crops to help uplift their means of living. If we are together in small and big things and work as a team with commitment, transparency and honesty we will surely attain our aspirations.
On the other hand, DA Regional Executive Director Lealyn A. Ramos emphasized that the main purpose of the field day is to show to the farmers new technologies in agriculture. She hopes that farmers go home with a basket-full of technologies that can be shared and replicated by other farmers. With this technologies at hand, production of crops is expected to increase that will sustain the needed food requirements and ensure food security.
The one day field day was also graced by Laguindingan Mayor Oliver Ubaub, Villanueva Vice Mayor Windelindo Nalagon, MOSCAT Vice President Dr. Eleazar Elmundo, Mr. Edmundo Pacamalan, Chief of Staff of the Office of Congressman Emano. Other guests are DA station managers, Mis. Or. PAFC Chair Mario Jamis, MAOs, ATs, LGU officials and employees and farmers from the different municipalities of Misamis Oriental and Bukidnon. # svadecer

Army Major gipangita; NPA gigukod

mindanaodailybalita — Mon, 05 Dec 2011 03:43:35 +0000

Ipil, Zamboanga Sibugay––Kasamtangan padayon karon ang usa ka operasyon batok sa mga NPA nga sumala pa nga gipanguluhan sa usa ka Commander Bambam human kini gibanhigan ang usa ka team ni Army Major Ramon Torres, S-2 sa 102nd Army Brigade nga nadestino karon sa Camp Sanito, Ipil, Zamboanga Sibugay diin gika-report nga MIA kun Missing in Action.
Sumala pa kang Col. Barrientos, Bde Commander sa 102nd Army Brigade sa 1st Infantry (Tabak) Division, si Major Torres kauban sa pipila ka mga sakop niini sa S-2 ang nakacivilian lamang sakay sa usa ka Mitsubhisi Strada ang gibanhigan ug gisulayan sa pagdagit didto sa Sitio mahayahay, barangay Guinoman, Diplahan, Zamboanga Sibugay sa 70 ka mga armadong kalalakin-an nga gikatahapan sakop sa NPA sa pagpangulo sa usa ka Commander Bambam ug gisunog pa gayud niini ang gisakyang sakyanan.
Sa dugang report, naka-eskapo ang mga kauban ni Major Torres apan ang naulahing opisyal ang gikataho nga na-missing kun MIA, samtang miresponde na ang mga sakop sa 53rd Infantry Brigade ug 15th DRC (Division Rifle Company)kaganinang alas 7 sa buntag (December 3, 2011)
Nasayran sa Mindanao Daily Balita, nga ang grupo ni Major Torres mopaingon na unta sa Sitio Balabag, Barangay Depore sa lungsod sa Bayug, Zamboanga del Sur aron sa pagsuta sa mga reklamo ug paghimo sa investigasyon kabahin sa extortion nga nanghitabo sa mga gagmayng minero sa maong dapit.
Ning pagbalita, nakita na ang mga kauban ni Major Torres ug kasamtangan nga padayon karon ang paggukod sa mga gikatahapang 70 ka mga NPA Rebels. (with report from Paul Lontua,Ipil ZSibugay)

Sinulti-ay alang sa kalinaw

mindanaodailybalita — Mon, 05 Dec 2011 03:41:33 +0000

ANG gobyerno sa Pilipinas ug ang Moro Islamic Liberation Front kon (MILF) ang subling mag-estoryahanay sa kalinaw sugod karong Lunes didto sa Kuala Lumpur sa Malaysia.
Hinoon wala gibutyag ni Presidential Adviser to the Peace Process Teresita Deles kung unsay unang estoryahan apan kini usa ka maayong development.
Kami sa Mindanao Daily Balita nalipay nga subling magkatagbo ang gobyerno sa Pilipinas ug MILF ug estoryahan ang kalinaw.
Sa laing bahin ang MILF pinaagi ni Jun Mantawil mianunsyo nga sa unang higayon makabaton na sila og usa ka babayeng miyembro isip usa sa mga panelists sa ipahigayong “exploratory talks” tali sa gobyerno sa Pilipinas.
Ang maong babayeng MILF’s “first-ever woman member giila ni Mantawil nga si Atty. Raissa Jajurie o Bai Cabaybay Abubakar.
Pahayag ni Mantawil: “We see the importance of the views of a professional Muslim woman in our quest for peace, thus the decision to name one.”
Angayan gayud nga sa usa ka pag-sinulti-ay sa kalinaw maapil ang tanang sektor dili lamang ang mga kababaihan.
Importante gayud nga estoryahan ang tanang problema kay kini ra ang pinakamaayong pamaagi aron maangkon nato ang tinuoray nga kalinaw.
Kami sa Mindanao Daily Balita nanghinaut nga makab-ot natong tanan ang kalinaw.

Labaw sa tanan: Buhat sa Gugma (Mateo 25:31-46)

mindanaodailybalita — Mon, 05 Dec 2011 03:40:24 +0000

USO gihapon karon ang debate sa relihiyon. Ang matag sekta mosulti nga sila ang insakto. Ang matag sekta usab magpasiatab nga sila ra ang maluwas. Mao ba kini kabubut-on ni Kristo? Ang paghukom ug panghimaraot sa uban ug pagproklamar sa kaugalingon nga matarong? Dili gayud! Basaha ang atong ebanghelyo sumala pa ni Mateo kapitulo 25 versikulo 31 hangtud sa 46.
Si Kristo mao ang Hari sa mga hari. Ug ang pundasyon sa iyang gingharian mao ang gugma. Kining maong gingharian dili usa ka dapit o lugar kundili usa kini ka “moment”. Usa ka higayon, ug sitwasyon diin ang kabubut-on ni Kristo mao ang magtunhay – ang gugma. Busa importante alang niining gingharian ang pagtagad ug pag-alagad niadtong nagkinahanglan sa gugma. Kini usab ang basehan sa pag-angkon sa Gingharian ni Kristo.
Ang pundok o sekta ba ang basehan sa paghatag ni Kristo sa Gingharian ngadto sa mga tawo nga gibutang niya sa tuo ug gitawag niyag karnero? Dili. Ang pag-memorize ba sa bibliya? Dili. Ang pagsinggit ba ug pag-proklamar nga siya matarong ug labaw sa uban? Dili. Unsa man diay ang basehan sa paghatag ni Kristo sa Gingharian? Ang buhat sa gugma! Dili sekta. Dili pangalan. Dili kaliwat. Dili ang ihibalo. Dili gani bisan ang pagpadayag sa imong pagtoo. Dili doktrina. Dili kini ang mga basehan sa pagkahimong sakop sa Gingharian kundili ang buhat sa gugma: pagpakaon, pagpainom, pag-abi-abi, paghatag og biste, pagduaw ug uban pa.
Apan dili diha ra kutob ang mensahe sa ebanghelyo. Mangutana pa gayud kita: kinsa man ang akong buhatan sa buhat sa gugma? Tin-aw ang atong ebanghelyo nga dapat buhaton nato kini ngadto sa mga gigutom, giuhaw, dumuloong, hubo, nagmasakiton ug nabilanggo. Sa panahon ug katilingban ni Hesus kini sila gitawag nga “Anawim” nga ang buot ipasabot, “marginalized”. Sila kadtong anaa sa daplin nga bahin sa katilingban. Mga nahikalimtan, mga nahikawan, mga walay tingog, mga walay katungod, mga wala gihatagan og bili.
Busa aron mahimo kitang sakop sa gingharian ni Kristo buhaton ta kining mosunod:
1.   Dawata nga si Kristo mao ang hari sa imong kinabuhi. Isip hari sunda ang iyang kabubut-on.
2.   Timan-i nga ang kabubut-on sa Dios mao ang pagtunhay sa gugma. Dawata nga ang nagtunhay nga katilingban nakabsan na sa gugma.
3.   Ilha ang mga “anawim” sa atong panahon ug idugtong ang atong mga kinabuhi kanila kay ang tinuod nga sakop sa gingharian ni Kristo nagaalagad kanila.
Panalanginan unta kita sa Ginoo!

punto-de-foto

mindanaodailybalita — Mon, 05 Dec 2011 03:38:50 +0000

SA bisan unsang kalihokan, adunay mga sumasalmot nga aktibo ug pasibo.
Ang mga aktibo molambigit o mo-‘hands-on’ gayod, samtang ang mga pasibo, igo lamang molantaw, mamadlong ug manaway, apan dili magpalupig sa bahinay.
Mahitabo kini nga situwasyon tali sa kabataan ug mga hingkod og panuigon. (kuha ni MDB/BWM Photojournalist Rolando Sudaria)

3 ka tawo naangol sa aksidente sa dalan

mindanaodailybalita — Mon, 05 Dec 2011 03:35:34 +0000

SIBAGAT, Agusan Sur – Si Grade I Pupil Rose Joy Suroy-suroy, 7 anyos nga taga-Poblacion nadumbolan sa pamasaherong jeepney, karong bag-o. Siya naangol ug gipatambalan sa Butuan Medical Center, samtang ang driver nga si Mr. Romeo Capanpan gihipos sa kapulisan. Ang sakyanan iyaha ni Ms. Evelyn Tuloy. Samtang sa NASIPIT, Agusan Norte, duha ka motorsiklo nagbangga. Ang drivers nga sila si Mr. Brian Amor Daligdig ug Mr. Jevemie Cabreros Salon, nangaangol. Si Mr. Salon nga nagrabehan, gipatambalan sa Nasipit District Hospital. Sa SAN FRANCISCO, Agusan Sur … gisikop sa kapulisan ang goldpanner nga si Mr. Alejandro Maisog, 39 anyos nga taga-Brgy Lapinigan subay sa mando ni Judge Dympna Gozon Labindao. Siya nag-atubang sa usa ka kasong criminal nga piyansahanan og P12 mil. (SPO1 Arturo S Campania ug PO3 Zena Menioria Panaligan, PRO-13 Info Office/asf)