We are moving to www.mindanaodailybalita.com

 

Labaw sa tanan: Buhat sa Gugma (Mateo 25:31-46)

USO gihapon karon ang debate sa relihiyon. Ang matag sekta mosulti nga sila ang insakto. Ang matag sekta usab magpasiatab nga sila ra ang maluwas. Mao ba kini kabubut-on ni Kristo? Ang paghukom ug panghimaraot sa uban ug pagproklamar sa kaugalingon nga matarong? Dili gayud! Basaha ang atong ebanghelyo sumala pa ni Mateo kapitulo 25 versikulo 31 hangtud sa 46.
Si Kristo mao ang Hari sa mga hari. Ug ang pundasyon sa iyang gingharian mao ang gugma. Kining maong gingharian dili usa ka dapit o lugar kundili usa kini ka “moment”. Usa ka higayon, ug sitwasyon diin ang kabubut-on ni Kristo mao ang magtunhay – ang gugma. Busa importante alang niining gingharian ang pagtagad ug pag-alagad niadtong nagkinahanglan sa gugma. Kini usab ang basehan sa pag-angkon sa Gingharian ni Kristo.
Ang pundok o sekta ba ang basehan sa paghatag ni Kristo sa Gingharian ngadto sa mga tawo nga gibutang niya sa tuo ug gitawag niyag karnero? Dili. Ang pag-memorize ba sa bibliya? Dili. Ang pagsinggit ba ug pag-proklamar nga siya matarong ug labaw sa uban? Dili. Unsa man diay ang basehan sa paghatag ni Kristo sa Gingharian? Ang buhat sa gugma! Dili sekta. Dili pangalan. Dili kaliwat. Dili ang ihibalo. Dili gani bisan ang pagpadayag sa imong pagtoo. Dili doktrina. Dili kini ang mga basehan sa pagkahimong sakop sa Gingharian kundili ang buhat sa gugma: pagpakaon, pagpainom, pag-abi-abi, paghatag og biste, pagduaw ug uban pa.

punto-de-foto

SA bisan unsang kalihokan, adunay mga sumasalmot nga aktibo ug pasibo.
Ang mga aktibo molambigit o mo-‘hands-on’ gayod, samtang ang mga pasibo, igo lamang molantaw, mamadlong ug  manaway, apan dili magpalupig sa bahinay.
Mahitabo kini nga situwasyon tali sa kabataan ug mga hingkod  og panuigon. (kuha ni MDB/BWM Photojournalist Rolando Sudaria)

3 ka tawo naangol sa aksidente sa dalan

SIBAGAT, Agusan Sur – Si Grade I Pupil Rose Joy Suroy-suroy, 7 anyos nga taga-Poblacion nadumbolan sa pamasaherong jeepney, karong bag-o. Siya naangol ug gipatambalan sa Butuan Medical Center, samtang ang driver nga si Mr. Romeo Capanpan gihipos sa kapulisan.  Ang sakyanan iyaha ni Ms. Evelyn Tuloy. Samtang sa NASIPIT, Agusan Norte, duha ka motorsiklo nagbangga. Ang drivers nga sila si Mr. Brian Amor Daligdig ug Mr. Jevemie Cabreros Salon, nangaangol. Si Mr. Salon nga nagrabehan, gipatambalan sa Nasipit District Hospital.  Sa SAN FRANCISCO, Agusan Sur … gisikop sa kapulisan ang goldpanner nga si Mr. Alejandro Maisog, 39 anyos nga taga-Brgy Lapinigan subay sa mando ni Judge Dympna Gozon Labindao. Siya nag-atubang sa usa ka kasong criminal nga piyansahanan og P12 mil. (SPO1 Arturo S Campania ug PO3 Zena Menioria Panaligan, PRO-13 Info Office/asf)

Mga mag-uuma may pang-asdang na batok sa mga risgo

Mga mag-uuma may pang-asdang na batok sa mga risgo
KAPIN 250 ka mag-uuma mipasar sa Weather Index-Based Insurance (WIBI) orientation. Ang WIBI usa ka  crop insurance package batok sa risgo nga giatubang sa mga mag-uuma tungod sa climate change. Sa laing bahin, doolan sa 250 ka  grade school children sa 13 ka barangay sa Lianga, Surigao Sur ang adunay TB. Kini nasusihan atol sa tulo ka adlaw’ng anti-TB info and detection drive karong bag-o. Sa dugang SMS, gipahigayon ang duha ka adlaw’ng cataract operation sa pito ka lungsod sa Dinagat Island Province. Ang kalihokan ubos sa Vision 2020 Program nga tumong sa pagminus sa gidaghanon sa mga tawo’ng adunay cataract ug ptyredium nga sagad mosangpot sa pagkabuta. Nagtinabangay sa galastohan ang pito ka lungsod, provincial health office, Mabuhay Deseret Foundation ug Loving Presence Foundation, sumala ni Provincial PIO Inday Roxas.

Mount Malindang napiling ASEAN Heritage Park

MISAMIS Occidental – Gideklarar sa ASEAN Heritage Park ang Mount Malindang Range Natural Park (MMRNP).
Ang deklarasyon gipahigayon atol sa 13th Informal ASEAN Ministerial Meeting on Environment sa Cambodia karong bag-o subay sa higpit kaayong criteria.

Komperensiya sa ‘5 Marks of Mission’

“PAGPROKLAMA sa ‘maayong balita’ mahitungod sa Ginghari-an,” gituki ni Father Mark James Rogers (Saint John’s Cathedral – Hongkong) atol sa Conference on Five Marks of Mission karong bag-o.
Ang maong komperenisy  diha sa DCENT Center, Bulua, Cagayan de Oro, petsa-28-30 sa Nobyembre ning tuiga, gitambongan sa kapin 100 ka mga obispo, kaparian ug ginsakpan sa IFI Dioceses sa Pagadian, MOBUCA, Libertad ug AguSuris.

Working Student Naminyo sa Iyang Amo

“Unang Yugto”

DEAR Kuya Sonny, maayong adlaw kanimo ingon man sa imong mga diehard readers nga kanunay gayud nagsunod sa matag tagik ning maanindot mong lindog. Tagoa lamang ako nga usa ka Marijane, 26 years old ug kasamtangan nagpuyo dinhi sa dakbayan sa Cagayan de Oro. Actuallty, taga lalawigan sa Bukidnon ako ug naningpalad ning syudad pamasin nga dinhi nako mahinagbo ang maayong lakaw sa akong kinabuhi.