Home > Negosyo > Kagamhanan mopatuman sa mga proyektong magpasayon sa pamatigayon

Kagamhanan mopatuman sa mga proyektong magpasayon sa pamatigayon

KINI ang rescue boat sa Oro Alert nga napalit sayo ning tuiga sa gobyerno sa Cagayan de Oro City, pinaagi sa City Disaster Coordinating Council. Sa labing unang paglawig niini diha sa Cagayan River kaniadtong petsa-3 ning bulana, kini nangita sa lawas niadtong 25 anyos nga lalaking matud pa naghikog diha sa maong suba.

CAGAYAN de Oro City––Nangandam ang kagamhanan sa Pilipnas alang sa pagpatuman sa mga proyekto nga magpasayon ang pagsulod sa daghan pang pamatigayon dinhi sa nasod.

Matud pa ni Virgilio Fulgencio, Executive Director sa Department of Trade and Industry-Center for Industrial Competitiveness (DTI-CIC) nga ilang ilunsad ang Philippine Business Registry (PBR) nga maoy mokutay sa tanang nasudnon nga ahensya sa nasod.

Magsilbe nga usa ka one-stop shop business processing ang PBR ug “gitakda nga musolbad sa mga red tape nga problema sa mga nasudnong ahensya.”
Si Fulgencio usab miingon nga ang lain pang proyekto nga gitawag nga Business Permits and Licensing System (BPLS), maoy mohapsay sa proseso sa pagkuha ug mga business permits ug lisensya sa dakbayan ug sa mga kalungsoran.

Kamulong ginahimo nga proyekto sa DTI, Department of Interior and Local Government (DILG) ug sa League of Cities of the Philippines ang BPLS.
Milaum nila nga ang BPLS maoy makapamubo sa proseso sa pagkuha ug bag-ong business permits ug business renewals.

Tuyo nila nga himuon ang proseso nga five (5) steps in a single unified form, dugang ni Fulgencio nga mao usab ang director for operations sa National Competitiveness Council (NCC) nga nagrepresentar sa sektor sa publiko.

“Lahi na ang kantidad karon sa sa mga palaliton sa Makati kun itandi sa Manila. Mao kini ang buot sulbaron sa BPLS pinaagi sa iyang single unified form,” si Fulgencio miingon.

Sa pagkakaron, mokabat na sa siento biente (120) ka mga local government units kon mga LGUs ang nagplano sa pagsalmot niining single form, five steps, five-day BPLS.

Samtang sa export sector, matud ni Fulgencio, aduna kini National Single Window, usa ka proyekto nga mupamubo sa proseso sa pagkuha ug permiso, lisensya ug mga clearance. Gipangunahan sa Bureau of Customs (BoC), ikutay sa maong proyekto ang mokabat sa napulo (10) ka ahensya sa gobyerno nga nahilambigit sa foreign trade.

Nagtuo si Fulgencio nga makatabang ug dako sa pagpasaka sa competitiveness ranking sa nasod ang pagpatuman niining tulo (3) ka proyekto.

Categories: Negosyo
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: