Home > Balita > Dongkoy nanghimakak nga nangulata og duha ka tawo

Dongkoy nanghimakak nga nangulata og duha ka tawo

HUGOT nga gipanghimakak ni Cagayan de Oro Mayor Vicente Emano ang akusasyon nga iyang gikulata sulod sa iyang buhatan ang duha ka kanhi barangay kagawad sa Barangay San Simon nga sila si Rolando ug Julieto Bahian.

Ang pagpanghimakak ni Emano nahitabo human nagpa-blotter sa buhatan sa kapolisan ug nangayo sa panabang sa dxIF-Bombo Radyo ang duha ka mga biktima.
Ang mayor miingon nga walay kamatuoran ang akusasyon nga gibato batok kaniya sa maong mga managsoon ug iya lamang kining gikasab-an sulod sa iyang buhatan.

Tinuod nga ako silang nabalikas apan wala nako sila napasakitan, matod ni Emano sa interview duha sa ABS-CBN Cagayan de Oro gahapon sa hapon.
Dugang sa mayor nga katungod nila [mga biktima] nga manumbong kung sila napasakitan.

Gidugang pa niini nga dili niya mahimo ang pagkulata kay mga dagkong tawo ang maong managsoon.

Gihagit pa sa mayor ang managsoong Bahian nga magpadoktor aron makita kung sila dunay bun-og sa ilang lawas aron pamatud-an ang maong alegasyon.
Samtang gibarugan nila ni Julieto ug Rolando Bahian ang ilang akusasyon nga gipasakitan sila ni Mayor Emano sulod sa iyang buhatan.

Matud nila ni Julieto ug Rolando nga kalit lamang silang gipangsumbag, gitu-ok, gilaparo ug gipangbalikas sa sakit nga pulong sa mayor.

Emosyonal usab ang managsoon sa ilang gidangatan ug andam kini nga mopasang-at ug reklamo batok sa maong opisyal.

Nagpahayag usab ug pagduda si Mayor Emano nga napolitika ang isyu. Matod sa mayor nga kontra niya sa politika ang gisuportahan sa duha niadtong miaging piliay.

Dugang ni Emano nga mianha sa iyang buhtan ang duha aron mangayo og pasaylo ug aron sila dili pasakaan og kaso tungod matod pa sa mga dautang binuhatan sa duha didto sa Barangay San Simon.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: