Home > Balita > Gobernador sa Agusan Norte gikasuhan og 28 counts sa graft

Gobernador sa Agusan Norte gikasuhan og 28 counts sa graft

Sinulat ni JAMES ROZO

BUTUAN City––Naukay ang katawhang Agusanon human nigawas ang balita nga nag-atubang sa 28 counts sa kasong graft and corruption didto sa Ombudsman Mindanao si Agusan del Norte Gov. Erlpe John Amante.

Lakip nga nag-atubang sa kasong kurapsyon sila Apolinario Yee, empleyado sa Provincial Engineering Office kinsa dunay 24 counts og 4 counts kang Celso Perez sa Provincial Environment and Natural Resources Office (PENRO).

Nagsumikad ang nahisgutang kaso sa small-scale mining sa SR Mining Corporation nga nakabase sa lungsod sa Tubay sa maong probensya niadtong tuig 2007.
Una nang nipalag ang mga residente sa operasyon sa nasangpit nga minahan rason nga naglusad kini og protesta sa ingon ihunong ang operasyon.

Sa bersiyon ni Celso Perez, usa sa mga gikasuhan, gipamugos sa mga reklamante nga gipangunahan ni Rodney Paciana nga dunay iregularidad ang maong operasyon.

Dugang ni Perez, gawas sa iregularidad, gihingusgan sa mga reklamante nga naguba ang ilang watershed area og sanctuary ingon man sa pribadong kabtangan. Bugtong gituohan sa opisyal nga isyu sa pulitika ang nagpaluyo rason sila gikasuhan.

Sa kasamtangan, wala nay igong kasayuran ang opisyal bahin sa operasyon sa maong kompanya sa mina sanglit wala na kini sa ilang jurisdiction human kini ni-apply sa large scale mining.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: