Home > Balita > Pulangi hydro power plant i-privatize na?

Pulangi hydro power plant i-privatize na?

Sinulat ni SAMMY TE

PADAYON nga naniid ang mga konsumante sa sugang dagitab dinhi sa Mindanao kung mahinayon o dili ang laraw sa gobyerno nga ibaligya sa pribadong mga negosyante ang Pulangi IV Hydro Electric Power plant ug Agus I nga maoy gahatag sa kuryente pinaagi sa NGCP kun National Grid Corporation of the Philippines ug ibaligya usab sa NGCP ngadto sa mga electric cooperatives.

Kini nga laraw ang gibatokan karon sa mga katawhang gumagamit sa kuryente tungod sa kabalaka nga basin mosamot kamahal ang bayronon sa sugang dagitab kung kini mahimo nang pribado.

Sa kasamtangan tubig ang tinubdan sa atong kuryente dinhi sa tibook Mindanao ug usahay mopalit o ug kuryente ang NGCP gikan sa diesel operated power plant kung adunay krises sa tubig panahon sa ting-init ug sayud ang katawhan nga mahal gayod ang matag kilowatt hour diin ang mga konsumante ra usab ang mag-pas-an sa bayronon.

Pipila ka mga sakop sa hunta deriktiba sa First Bukidnon Electric Cooperative ang dili mouyon sa pag privitize sa Napocor apan gusto nila nga ang mga katawhan maoy hatagan sa first priority pagpalit ug manag-iya niini kay kung pribado nga tawo ang manag-iya sa Napocor, basin kung mahal kaayo ang koryente nga ibaligya sa NGCP ngadto sa mga electric cooperatives.

Hinungdan nga namugna ang BECO foundation kun Bukidnon Electric Cooperative Foundation nga gilangkoban sa FIBECO ug BUSECO, apan ang pangutana sa katawhan masarangan kaha sa BECO ang pagpalit sa Pulangi IV hydro nga mokantidad ug bilyones ka pesos.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: