Home > Balita > Junrey, pinakamubong tawo matod pa sa Guinness

Junrey, pinakamubong tawo matod pa sa Guinness

Sinulat ni RUEL V. PELONE

DUNGAN sa iyang pagsaulog sa iyang ika-18 ka tuig sa adlaw nga natawhan gahapon (Hunyo 12, 2011), opisyal sab nga gi-deklara sa Guinness Book of World Records isip maoy pinakamubong tawo sa tibook kalibutan–ug siya mao si JUNREY BALAWING nga taga Sindangan, Zamboanga del Norte.

Sulod sa 24 oras, si Junrey nag-agi sa makuting pagsukod sa iyang gitas-on didto sa Sindangan Health Center diin gisaksihan kini sa Guinness World Records adjudicator and Editor-in-chief Craig Glenday.

Matod sa opisyal nga pagsukod sa iyang gitas-on, si Junrey nagtala sa gitas-on nga 23.6 inches. Ang maong gitas-on mas ubos og 3 inches kaysa miaging gi-deklara nga pinakamubong tawo sa kalibutan nga si Khagendra Thapa Magar sa Nepal.

Si Junrey, ang magulang sa 4 ka mga anak nila ni Concepcion, 35 anyos, ug Reynaldo, 37 anyos, aduna lamang gibug-aton nga 5 kilograms.

Gawas niya nga sige lang og kabilin sa balay, ang mga igsoon ni Junrey nga babaye nga sila si Jaycel, 13 anyos, ug Jeanritch, 6 anyos, ug manghod nga lalaki nga si Jay-art, 11 anyos, puros nag-eskwela na.

Matod pa sa ginikanan ni Junrey nga siya wala na gyud motaas pa human niya gisaulog ang iyang unang birthday.

“Gikinahanglan gyud niya ang among pag-amuma,” matod pa sa inahan ni Junrey. Ang amahan sab ni Junrey miisip sa iyang kinamagulangang anak nga iyang “lucky charm.”

Ang birthday ni Junrey dungan gyud sa pagsaulog nato sa Philippine’s Independence Day sa Hunyo 12.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: