Home > Bukidnon Edition > 2 ka coop suportado ni Zubiri

2 ka coop suportado ni Zubiri

HUGOT nga suportaran ni Bukidnon Vice Governor Jose R. Zubiri Jr. ang multi million nga proyekto sa First Bukidnon Electric Cooperative (FIBECO) ug Bukidnon Second Electric Cooperative (BUSECO) nga kasamtangan padayon pang gitun-an aron kini mahatagan sa katumanan.
Kini nga proyekto makatabang og daku alang sa mga konsumante  sa sugang dagitab tungod kay ang katawhan maoy manag-iya niini pinaagi sa duha ka kooperatiba.
Ang Pulangi V Hydro Electric Power Dam laraw nga igatukod didto sa mga utlanan sa Kibawe ug Damulog nga maoy mohatag og koryente dili lamang sa Bukidnon, ingon man sa mga kasikbit nga mga lalawigan pinaagi sa NGCP (National Grid Corporation of the Philippines) kinsa maoy mag-apod-apod sa elektrisidad, ngadto sa mga kooperatiba sa mga sugang dagitab.
Atol sa pakighinabi sa MDB ngadto kang FIBECO General Manager Engr. Rene S. Cortizano iyang gipahayag nga ang maong proyekto hugot nga suportaran ni Vice Governor Jose R. Zubiri Jr. ingon man ang mga mayor sa lungsod.
Nasayran nga ang mga sakop sa Sangguniang Panlalawigan sa North Cotabato ang hugot nga misuporta alang sa maong proyekto.
Dinhi sa lungsod sa Maramag makita ang Pulangi IV Hydro Electric  Power Plant nga maoy naghatag og koryente sa Bukidnon, Davao, Cotabato ug Maguindanao pinaagi sa NGCP kini giapod-apod ngadto sa mga kooperatiba sa sugang dagitab apan gihugong hugong nga ang Pulangi IV ibaligya sa gobyerno ngadto sa pribadong kompanya og gikabalak-an sa FIBECO ug BUSECO nga basin mosamot kamahal ang balayronon sa koryente hinungdan nga ilang gilaraw ang pagpatukod sa Pulangi V Hydro Electric Power Plant.
Adunay pipila ka mga lomopyo didto sa kabarangayan sa Damulog ug Kibawe ang nagpadayag sa ilang pagbabag sa maong proyekto kay matud pa makadaut sa ilang kinaiyahan ingon man ang ilang panginabuhian.
Mao kini karon ang padayon pang gitun-an sa FIBECO ug BUSECO kung unsay mga pamaagi alang kanila.

Categories: Bukidnon Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: