Home > Balita > 9-ka bulan nga buros, bana gipamusil-patay sa Bukidnon

9-ka bulan nga buros, bana gipamusil-patay sa Bukidnon

PATAY ang usa ka lalaki samtang patay sab ang bata sa sulod sa tiyan sa misis niini human gipamusil niadtong miaging adlaw sa Barangay Casisang, Malaybalay City, Bukidnon.Sa report gikan sa Malaybalay City Police Station giila ang mga biktima nga sila si Joey Batiancila, hingkod, usa ka supervisor sa BCCL Farm ug asawa niini nga si Julieta Batiancilla, 27 anyos, kinsa 9-ka bulan nga buros.
Nasayran nga samtang ang mga biktima nagsakay sa ilang motorsiklo sa nasangpit nga lugar kalit kini giharang sa suspek nga si Jowie Seraño, 23-anyos, kinsa kanhi empleyado sa BCCL Farm, nga taga Barangay San Jose maong dakbayan.
Si Joey naka-angkon ug samad-pinusilan sa wala nga bahin sa dughan ug “dead on arrival” sa Bethel Baptist Hospital samtang si Julieta naka-angkon sab ug pinusilan sa tiyan hinungdan sa pagkamatay sa gisabak nga bata niini.
Malampuson nga na-aresto ang suspek pinaagi sa igsuon niini nga si Ryan Seraño.
Nakuha gikan sa maong suspetsado mao ang usa ka 9mm caliber, ug motorsiklo sa mga biktima.
Nasayran sab nga niadtong miaging semana gitigbas matod pa ni Jowie ang iro sa pamilya Batiancila nga maoy hinungdan sa pagkataktak niini sa trabaho.
Tanggong na karon sa selda ang maong suspek samtang giandam ang kaso.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: