Home > Central Edition > Gold buyer gi holdup

Gold buyer gi holdup

USA ka negosyante sa pagpamalit og bulawan ang gi holdup sa 3 ka armadong mga tawo pinaagi sa pagbastrok gamit ang wala matinong kalibre sa pistola ngadto sa agtang sa biktima dayon pugsanong mibira sa bag niini ug kalit mipasutoy sa pagpadagan lulan usa ka motorsiklo nga walay plate number padulong ngadto sa kinapusorang bahin sa dakbayan sa Cagayan de Oro kagahapong adlawa (Septiyembre 21) alas 7:30 ang takna sa buntag.
Ang biktima naila sa pangalan nga usa ka Magellan Dizon, hingkod ang panuigon, minyo ug tag-iya sa  Maggie and Bedf Gold Buyer nga anaa mahimutang haduol sa Taguanao terminal sa may crossing sa mga dalan Hayes ug Guillermo ning dakbayan diin dili kaayo halayo gikan sa Police Precint No. 2 sa Cogon market.
Sigun sa nakakita, nianang sayo pa lamang sa buntag ang 3 ka mga suspitsado kinsa namainit pa kini atbang mismo sa tindahan sa biktima ug sa dihang iya na kining gibuksan, kalit misulod ang duha niini samtang look out kadtong nagmaniho sa motorsiklo ug dayon nakiglayog pa ang helper nga si John Fabilic ug ang tag-iya mismo ngadto sa mga tulisan gumikan kay ilang gipanalipdan ang bag niini nga dili mailog sa mga tulisan, matod pa ni SPO1 Jojo L. Lim sa nasangpit nga police station.
Apan wala maka-agwanta ang mga biktima tungod sa ilang naangkon nga mga bun-og ug samad sa kalawasan agi sa pagbastrok kanila sa revolver gikan sa mga suspetsado maoy hinungdan nga malampuson ang mga tulisan sa pagbitbit sa burot kaayo nga bag sa biktima.
Atol sa maong hitabo, naka-report gilayon ang usa ka suking customer sa biktima nga naila si Junil Saburnido ngadto sa Cogon Police Station sa pagpangayo og panabang aron masikop ang mga suspitsado. Apan paghidangat sa crime scene sa kapolisan, naka-ikyas na ang naasoyng mga tulisan. Dihadiha gidala insigida ang mga biktima aron sa pagpaalim sa ilang nahiagoman nga mga bun-og ilabi na ang dakong samad sa agtang sa biktimang negosyante ngadto Provincial Medical Hostpital ning maong syudad.
Gumikan kay ang dapit diin nahitabo ang maong tulis anaa man mahimutang sa boundary sa Cogon ug Macasandig Police Stations, mao gihimo gilayon ang hini-usang imbistigasyon kalabot niini ug nasayran nga walay salaping cash ang nabitbit sa mga tulisan gumikan kay ang nabira nga bag niini mao ang sudlanan sa mga papelis apan kadtong bag nga anaa gayud ang dakong salaping cash maoy nasaypan hinuon nga pulos papelis ang sulod niini.
Nalipat ang mga tulisan sa pakig-ilog sa bag niini samtang nalipat usab ang biktima sa pagpanalipod sa kaugalingon niyang bag tungod kay ang ilang pagtuo nga mao na kadtong giilogan nga puno sa daghang kwarta. Apan ang duroha ka panig pulos lamang diay nalingla gumikan kay mas baga ug burot kaayo ang maong bag sa papelis. Sa report nga nahagdaw, nasipyat ang information gathering sa mga tulisan niini.
Si Police Senior Inspector Mardy M. Hortillosa II sa Macasandig Police Station ning syudad ang nagkanayon nga adunay identity na ang maong tulo ka suspitsado ug ubos na karon sila sa manhunt operation sa atung kapolisan.

Categories: Central Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: