Home > Balita > Negosyante sa CDO gi-kidnap

Negosyante sa CDO gi-kidnap

MIKABAT sa 6 ngadto sa 8 ka mga armadong kidnappers kinsa  nagpatuo pa kini nga mga sakop sa Philippine National Police (PNP) pinaagi sa pagsul-ob og uniporme sa kapolisan dayon makalmahon nga misulod sa usa ka establisamento ug sa dihang paggawas na nila niini ang pugsanon’g midala sa biktima dungan usab sa pagdis-arma sa gwardya nga natigayon kagahapong adlawa (Septiyembre 19, 2011) alas 10:30 ang takna sa buntag.
Ang biktimang negosyante motubag sa ngalan nga si Manuel Gabriel Boniao (labing naila sa pangalan nga Manny Boniao), 58-anyos ang panuigon ug tag-iya sa People’s Agri Supply nga anaa mahimutang diha sa Gusa National Highway dinhi sa dakbayan sa Cagayan de Oro kinsa gisignit sa mga kidnappers lulan sa usa ka Mitsubishi Adventure, color pula nga nagdala sa plaka numero SSZ-205 padulong ngadto sa may direksyon sa este nga bahin sa dakbayan sa Cagayan de Oro.
Human sa maong hitabo, ang mga ginsakpan sa kapolisan sa Cugman  ug Puerto Police stations nga nahisakop sa este nga bahin sa syudad, ang mihimo gilayon og checkpoint sa kadalanan apan pakyas sila sa pagharang sa maong gisakyan sa mga kidnappers gumikan kay dako’g posibilidad nga miliko kini ngadto sa sudlonon’ng bahin sa national higway, matod pa sa kapolisan.
Si PO2 Raul Gora sa Puerto Police Station nagkanayon nga kung wala kadto misulod sa suok nga bahin sa syudad, adunay posibilidad usab nga mibalhin ang maong mga kidnappers sakay sa lain pa nilang sakyanan.
Sa pasi-unang pakighinabi sa mga sakop sa kapolisan sa Agora Police Station ning dakbayan, mibutyag nga nagtuo ang mga trabahanti sa naasoy’ng establisamento nga adunay tinuoray nga katuyoan ang mga kidnappers ngadto sa ilang agalon nga si Boniao tungod sa ilang nakita nga naka-uniporme sama gayud sa usa ka pulis.
Kalit nalang natingala ang maong mga trabahanti sa dihang paggawas na nila gikan sa opisina sa ilang agalon ug nakita nalang nga gipugos na kini sa pagdala sa mga kamot sa kidnappers.
Sa gipahigayon nga interview sa MDB, nasayran nga walay gipasakitan nga trabahante ug bisan pagkuha sa salaping cash gikan sa nasangpit nga establistamento.
Hangtod sa pagkutlo ning maong balita, gipadayon pa sa ginsakpan sa kapolisan ang dugang imbestigasyon pinaagi sa pagtumbok kung si kinsa nga grupo ang mihimo sa maong salaod. Kini matod pa ni Col. Gerry Rosales, police city director sa dakbayan sa Cagayan de Oro.
Reaction sa katawhan: Sigun sa mga pamahayag sa mabuot nga mga lungsoranon ang gihimo unta sa pagcheck point sa kapolisan mao ang pagsusi gayud sa matag sakyanan nga moagi sa naasoy’ng national highway aron maharangan ang sakyanan ug masikop usab ang mga kidnappers niini. Dili kay ang paglantaw lamang sa plate number niini nga maoy gisakyan sa mga kidnappers kung diin maoy hinungdan sa  pagka-palpak sa ilang pagharang ug pagdakop sa mga suspitsado.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: