Home > Bukidnon Edition > ‘Malampuson nga kampanya’

‘Malampuson nga kampanya’

MALAYBALAY City, Bukidnon––Ang mga paningkamot sa gobyerno sa pag gukod niadtong mga nagalikay sa pagbayad sa buwis kon ‘tax evaders’ ug mga smugglers nagmabungahon human miingon si Presidente Benigno S. Aquino III nga ang ‘revenue collection’ sa unang 6 ka bulan ning tuig dako ang pagsaka.

Sa iyang ‘speech’ atol sa 1st Integrity Summit didto sa kaulohan, Si Presidente Aquino miingon nga anga kampanya sa gobyerno batok sa ‘tax evaders’ ug ‘smugglers’ nakatabang diha sa pagdugang sa gikinahanglan kaayo nga salapi alang sa kaban sa kagamhanan nga mikabat sa 13.47 ka porsyento.

“Sukad kita milingkod, naningkamot kita nga madugangan ug motaas ang atong koleksyon sa buwis ug usa sa mga hinungdan niini mao ang pag gokod sa mga tikasan, mga smugglers ug mga kurakot nga opisyales sa gobyerno,” matud sa Presidente.

Iyang namatikdan nga sukad sa July 2010 mikabat sa 61 ka mga kaso sa ‘tax evasion’ ug 43 ka kaso sa smuggling ang na-file batok sa mga tawo ug grupo nga adunay P26-bilyones sa ‘tax evaders’ ug 54 milyones sa ‘smugglers.’

“Samtang nag-monitor  kita niini nga mga kaso, nalipay ako kay ang atong kampanya batok niini mabungahon gayod,” miingon ang Presidente.
“Sugod sa Enero hangtud sa Hulyo ning tuig, ang koleksyon sa buwis misaka na ngadto sa 13.47 percent,” dugang niya.

Miingon siya nga kini nga mga buwis mahatag  unta sa ‘social services’, imprastraktura, ug pangbayad sa mga obligasyon ug sa ‘national defense’ kung alerto unta kabahin niini ang miaging administrasyon.

“Apan bisan pa sa atong paningkamot aron ipakita sa katawhan nga dili na kini mahitabo karon, naglaum ko nga atong mahaylo ang atong mga katawhan diha sa pagbayad sa insakto nga buwis,” dugang sa Presidente.

Categories: Bukidnon Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: