Home > WestMin Edition > 2 ka Cafgu gidakop sa kapolisan

2 ka Cafgu gidakop sa kapolisan

WALAY suwerte ang duha ka miyembro sa Citizen Armed Force Geographical Unit (CAFGU) human  nasikop sa ginsakpan sa kapolisan nga nagdala sa armas de fuego nga walay dokumento nga gipakita  kagahapong adlawa sa mga alas 11:00 ang takna sa kabuntagon diha sa Barangay Tibanga, Iligan City.Ang duha ka suspetsadong Cafgu naila sa pangalan nga sila si Jamael Disangcupan Macabago, 26 anyos ang panuigon, mulupyo sa Pendulonan, Sagiaran, Lanao del Sur, nga maoy nakuhaan sa M-16 armalite rifle ug 64 ka buhing bala, ug ingon usab  si Alikman Batukala Tondia, 36 anyos ang panuigon  sa susamang dapit nanimuyo, nakuhaan og Cal.45 ug upat ka buhing bala.
Sumala pa ni Police Supt.  Arnel Catarata, ang hepe sa PNP-Iligan City Intelligence Bureau, nga ilang nasikop ang duha ka Maranao miyembro sa Cafgu tungod sa paghupot sa armas nga walay gipakitang dokumento.
Samtang ang hepe sa Police Precinct-5 pinaagi ni Police Sr. Insp. Rio Flores mihimo usab sa pagresponde uban sa iyang mga gisakpan maoy hinungdan nga ilang nasikop ang duha ka Cafgu nga armado.
Gibutyag ni Iligan City Police Director Police Sr. Supt. Celso Regencia nga ubos kini sa ilang hugtanong pagpatuman sa kahusay ug kalinaw sa syudad, sanglit umaabot usab ang pagsaulog sa kapistahan pinaagi sa patron sa syudad nga si Sr. San Miguel Arkanghel.
Dugtong sa pamahayag ni Police Sr. Supt. Regencia nga ilang gituman ang ilang tahas diha sa paghatag gayud og igong seguridad sa mga katawhan sa dakabayan sa Iligan aron matagamtaman  niini   ang kahapsay ug kalinaw  sa ilang tagsa-tagsa ka palibot. Ug mapasalamaton si Col. Regencia ngadto sa mga tawo nga mi-abag diha sa ilang mga gimbuhaton isip tinugyanan sa balaod sa syudad.
Ang duha ka suspetsadong Cafgu gipasang-at na ang kaso  ngadto sa hukmanan  aron sa pagpanubag niini sa ilang gihimo diha sa pagdala sa  armas bisan ug walay mga dokumento nga gihuptan niini.

Categories: WestMin Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: