Home > Love Letters > Kaagi sa Gugma sa Wala pa Mahimugso ang Cellphone

Kaagi sa Gugma sa Wala pa Mahimugso ang Cellphone

TINAHUD kung Kuya Sonny, dili nalang nako ibutyag sa matuod ang akong pangalan aron dili ako maulaw sa publiko sa pag-apil ning maanindot mong lindog sa Kabisay-an ug Mindanao. Ako si Emma, 62 anyos na ang panuigon karon, minyo, adunay unom ka mga anak ug 12 na ka mga apo, ug nahimuyo dinhi sa lalawigan sa Bukidnon. Nagsugod kining kaagi sa akong gugma niadtong nagpangidaron pa ako’g 17 anyos anyos. Samtang adunay gipahigayon kadto nga usa ka bayle sa among baryo diin petromax pa ang gamit niadto ug ang sound system usa pa ka radyo pono.
Sa dihang ako ang gibaligya sa baylehan isip bulak, daghan ang mi-sweet music nako nga mga lalaki ug adunay binuhat gayud nga miparis kanako kinsa ambongan nga pagka-lalaki. Siya si Rodrigo, usa ka tall, dark and handsome. Pagkasunod adlawng Sabado niana, nakita na sab nako sa baylihan si Rodrigo ug nagpaabot ako nga iya akong e-sweet music. Nalipay kaayo ko nga sa sunod tugtog niana nga iya akong gisayaw. Dili nako masabot ang akong gibati niadto atol sa among sweet music tungod kay nakagusto man ako kaniya.
Pila ra may sugilanon Kuya, nagkatrato gayud kami ni Rodrigo pinaagi sa kanunay niyang pagpadala kanako sa labihan ka binantal nga mga Love Letters nga akong natigom niadto. Sa dihang nakit-an kami sa akong mga ginikanan nga nag-holding hands mi, gipatawag gilayon si Rodrigo sa akong mga ginikanan aron sa pagpanubag sa iyang paghawid sa akong kamot kay matod pa nga salawayon daw kana atubangan sa publiko. Mao nataranta si Rodrigo ug iyang giatubang dayon ang akong parents.Wala kami mahimo kay sa among panahon basta gunit lang gani sa kamot, dakong malisya na kana sa mga katigulangan kaniadto.Mao, nakasal gayud kami.
Karon, mga tigulang na kami ni Rodrigo diin membro na usab sa senior citizens. Igo na lamang ako sa paghanduraw sa among kagahapon niadtong panahon sa karaanan nga kaagi sa gugma. Daghan salamat Kuya Sonny sa imong pagtagad ning kaagi sa akong kinabuhi.
Imong diehard fan,
Emma

Categories: Love Letters
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: