Home > Love Letters > Kaagi sa Gugma sa Wala pa Mahimugso ang Cellphone

Kaagi sa Gugma sa Wala pa Mahimugso ang Cellphone

TINAHUD kung Kuya Sonny, una sa tanan maayong adlaw kanimo ug dako kaayo ang akong pasalamat nga kaming managtrato kaniadto sa wala pa mahimugso ang cellphone sa among panahon nga maka-apil usab kami sa kaagi sa among gugma. Ako si Mario, 48, anyos na ang panuigon, minyo, usa ka government employee ug ania magpuyo dinhi sa dakbayan sa Cagayayan de Oro. Nagsugod kining akong sugilanon sa gugma niadtong tuig 1983 diin 20 anyos pa lamang ako nianang higayona. Ang akong trato si Thelma ug 18 anyos siya nianang panahuna usab.
Nag-ila kami samtang nagtungha pa kami sa kolehiyo ning syudad diin schoolmates ra usab kami kay usa ra man ang among gitunghaan. Kaniadto sa among panahon kay wala pa man mauso ang cellphone, kanunay gayud ako magpadala kaniya og love letters gikan sa pagpangulitawo hangtod na nga nagkarelasyon kami. Pila ra may sugilanon Kuya, nag ULBO2X dayon kami apan ang among tawag niadto niana mao ang TUSIK2X , maayo gyud nako siyang pagkatusiki ug nasyapolan pa gayud. Hangtod nga nabuntis si Thelma ug nakaundang gayud siya sa pagtuon. Samtang ako, nagpadayon pa gihapon sa akong pag-eskwela. Mao gitakda dayon ang among kasal sa mao gihapon nga tuig.Tungod kay nagtiwas pa man ako sa akong pagtungha, sa akong mga ginikanan una kami nagpuyo niini.
Apan wala damha Kuya nga sa dihang nanganak na si Thelma sa iyang gisabak niini, nabugtoan siya sa iyang hinulaman nga kinabuhi ug namatay usab ang among anak niini. Wala ako makapugong sa akong kaugalingon niadto ug akong kining gisinggit ug tyabawng hilak sa tibuok kalibutan sa gidangatan sa akong asawa ug anak. Dako kaayo ang akong pagmahay niadto nganong gikuha pa man sila sa akong mga kamot. Human nalubong ang akong asawa ug anak diin paghidangat sa tulo ka bulan, hinayhinay nga nadawat ra usab nako ang kapait sa kasinati-an sa akong gugma ug sa akong pamilya.
Karon 28 ka tuig na ang nakalabay gikan niadto diin dili pa gihapon nako hikalimtan si Thelma bisan pa man tuod nga naminyo na ako ngadto sa laing babaye. Karon Kuya, aduna na kami tulo ka mga anak uban sa akong second wife nga si Cora. Daghang salamat Kuya Sonny sa imong pagtagik ning akong kaagi sa gugma.
Imong magtatampo,

Mario

Categories: Love Letters
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: