Home > Love Letters > Kaagi sa Gugma

Kaagi sa Gugma

MAAYONG adlaw kanimo Kuya, naaghat usab ako sa pagpadala kanimo og sulat tampo sa akong kaagi sa gugma sa usa ka lalaki nga maoy nahimong bana nako aron kini makuhaan usab sa usa ka modelo’ng pagtuloan ngadto sa uban.

Takpi lamang ako sa pangalan nga usa ka Margarette, 52 anyos na ang panuigon karon ug ania mahimuyo sa dakbayan sa Dipolog. Nagsugod kami sa pag-ila sa akong bana, sa dihang 20 anyos pa ako kaniadto samtang siya usab 22 anyos. Usa ka higayon niana, lulan ako sa depasaherong jeep ug imbis mikuot na ako sa sinsilyo aron mobayad ko sa akong pamasahi sa jeep kalit natagak akong coins dayon adunay lalaki nga maoy mipunit niini ug iyang gitunol kanako.
Dangtan sa duha kabulan gikan niadto, samtang, mitabok ako sa dalan atbang sa among public market ug sa dihang mitabok ako sa dalan niini kalit nga nadumbolan ako sa usa ka sakyanan, maayo gani nga wala ako magrabihi niadto apan nakuyapan ako. Ako na lang nasayran pinaagi sa misugilon kanako nga gidali daw ako sa usa ka lalaki sa pag-sakwat kanako ug gidala gilayon ako sa hospital. Samtang anaa pa ako sa tambalan, mibisita kanako ang maong lalaki nga maoy misakwat kanato atol sa akong pag-aksidenti ug dako nalang ang akong kahikurat kay siya man diay kadtong tawo nga maoy mipunit sa akong sinsilyo nga nahulog niadtong pagsakay nako sa jeep.
Mao kadto nagka-estoryahanay mi sa hospital ug nagpasalamat ako’g dako kaniya sa iyang pagtabang kanako sa bung-aw sa kamatayon niadtong higayona. Siya mao si Erzul, mistizo turko kini tungod kay ang iyang amahan usa man ka pure turko nga gikan pa sa nasud saTurkey kinsa magpapatigayon sa dakbayan sa Iligan. Human sa usa ka bulan ang nakalabay, nakadawat ako’g love letter gikan ni Erzul ug iyang gipadayag ang gibati niya nga gugma diri kanako. Sa laktod nagkahinigugmaay ug nagkadayon gayud kami.
Karon, malipayon kami sa among pagpuyo uban sa among upat ka mga anak ug tulo na ka mga apo. Dinhi lang ako kutob sa akong sugilanon ug daghang salamat kanimo Kuya Sonny.

Imong magtatampo,
Margarette

Categories: Love Letters
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: