Home > Central Edition > PNP dili angayan mag ‘bagdoy bagdoy’

PNP dili angayan mag ‘bagdoy bagdoy’

GIAGHAT karon sa mga negosyante ang kapolisan nga pakusgan pa niini ang ilang kampanya batok sa kriminalidad dili lamang sa dakbayan sa Cagayan de Oro kon dili apil na ang probinsiya sa Misamis Oriental.Sa iyang pamahayag, ang presidente sa Cagayan de Oro Chamber (OroChamber) nga si Antonio Uy nanawagan ngadto sa local police ug sa  rehiyonal nga buhatan sa Philippine National Police (PNP) sa paghimo og mga kongkretong mga lakang aron mapakgang ug mabatokan ang mga dagkong krimen nga nagakahitabo sa dakbayan ug sa probinsiya.

“The abduction of a local businessman right at his very office in daytime last Monday would tell us that we need to boost up our local police forces,” pahayag pa ni Uy.
Duha ka adlaw gikan sa pagdagit sa mga armadong lalaki sa negosyanteng si Manny Boniao, si Uy mibati og pagka alarma tungod kay lain na usab nga negosyante ang gitulis duol sa Cogon market.

Samtang kuskaganon niyang gipanawagan nga kung kulang ang kapolisan sa dakbayan, gikinahanglan na nga kini dugangan.
Si Uy miiingon: “If we are serious in promoting new investments to our area, then we have to do something to curb this peace and order problem.”
Pamahayag sa OroChamber president nga kung gusto sa syudad nga moaghat pa og mga bag-ong investor, angayan lang nga tutokan sa kapolisan ang kriminalidad ug hatagan kini og kasulbaran.

Sa iyang kabahin, si Efren Uy, ang bise presidente sa OroChamber ug kanhi presidente sa Misamis Oriental Filipino Chinese Chamber of Commerce and Industry (MOFCCCI), miingon: “We believe that creating an elite police force that takes care of intelligence gathering and solving major crimes to include kidnapping and robbery is in order.”
Matod niya nga angayan na nga momugna og usa ka “elite police forces” nga maoy saligan sa “intelligence gathering” ug maoy tahasan aron sa pagsulbad sa mga dagkong krimen nga mahitabo sa dakbayan ug probinsiya sa Misamis Oriental.

Ang pagmugna sa maong elite police forces dili lisod tungod kay nagkinahanglan man lang kini og gamay nga salapi gikan sa intelligence fund.
Sa laing bahin, gipahimangnoan sa duha nga mga lider sa grupo sa mga magpapatigayon sa dakbayan sa Cagayan de Oro ug Misamis Oriental  ang mga security guards sa matag establisamento sa pagpangayo sa IDs kon Identification Cards ayha nila tugutan ang mga tawong gusto makigkita sa ilang mga agalon.
Gawas nga ilang giaghat ang katawhan nga magbinantayon sa tanang higayon, ang duha ka lideres miingon nga mas maayo kon adunay mga CCTV facilities ang matag establisamento.

Categories: Central Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: