Home > WestMin Edition > Pulis patay; barangay kagawad mi-surrender

Pulis patay; barangay kagawad mi-surrender

OZAMIZ City, Misamis Occidental––Usa ka barangay kagawad ug kauban niini nga nahimong suspect sa kamatayon sa usa ka pulis ang misurender sa kapolisan ning bag-o pa lamang pinaagi usab sa pagtabang sa ABC President nga si Reynaldo Parojinog ug BM Richard Parojinog sa dakbayan sa Ozamiz.Sa pinakaulahing report nga nadawat sa MDB, matud pa nga si Barangay Pulot Kagawad Olimpio Domingo, 37 anyos, minyo ug usa ka barangay kagawad sa Barangay Pulot, Ozamiz City ang misurrender sa kapolisan human nangayo ug tabang gikan sa Parojinog brothers.
Naunang nasayran nga niadtongSeptyembre 17 sa gabii, human miresponde tungod sa report nga adunay 3 ka mga tawo nga nag-inom ug nag-maoy tungod sa kahubog ug nagpabuto ug armas, si SPO1 Edison Sanaga, mulupyo sa maong barangay kuyog ni PO1 Francis Marianas ang mihimo ug usa ka police assistance apan sa dihang didto na kini sa nahitabo-an, napusilan si SPO1 Sagana ug dali nga gidala sa emergency hospital apan gideklara kining DOA (Dead on Arrival) ug matud pa mikagiw usab ang 3 ka mga suspetsado.
Sa maong panghitabo gilayon miresponde usab ang kapolisan ug nakit-an nga adunay mga basiyo sa kalibre .45 sa maong lugar ug mihimo usab ug paggukod sa mga suspetsado.
Ning pagbalita, si Kagawad Domingo kauban sa usa ka Oscar Hortelano, 37 anyos, walay trabaho ug residente sa Purok 1, Bong-bong, Ozamiz City ang mitahan sa ilang mga kaugalingon human midangop ngadto kang ABC President Reynaldo Parojinog, kanhi city mayor ug igsoon niini nga si Board Member Richard Parojinog aron magpatabang adisir miadto sa Ozamiz City PNP Station sa pag-pangulo karon ni acting city police chief Supt. Romeo Pillonar (DSC). Kasamtangan usa ka kasong murder ang giatubang matud pa sa mga suspetsado.

Categories: WestMin Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: