Home > Dear Kuya Sonny > Taga Merkado nahimong Agogo Dancer may Amerkano pa!

Taga Merkado nahimong Agogo Dancer may Amerkano pa!

“Ikatulong Yugto”
USA ka buntag niana, samtang nagdisplay na sab ko sa akong tinda nga mga isda sa Cogon Market. Adunay mipalit kanako ug wala ako maka-ila kaniya kay misamot man ka gwapa ug sexy. Sa dihang mibayad na siya, “Hoy Letty, ikaw man diay kana”. “Ha! Oi ikaw man sab diay na Rachel, misamot ka man ka gwapa”. Sukad niadto, gidani ako ni Rachel Kuya nga mouban ako kaniya isip usa ka agogo dancer sa labing sikat nga Night Club dinhi sa Cagayan de Oro. Dako kaayo siya’g kausaban sa iyang kinabuhi tungod kay dako kaayo siyag kinitaan niini sa iyang pagka-agogo dancer.
Hangtod nga gibiyaan nako ang pagpanglab-as sa isda ug gibiyaan usab nako si Gardo alyas Barako dayon misulod ako sa night club nga maoy gialagaran ni Rachel. Nianang ala-una sa hapon, miapil dayon ako sa practice sa sayaw sa club kung unsaon ang mga pamaagi sa pagsayaw isip usa ka agogo dancer. Dangtan og tulo ka adlaw, makamao na ako niini dayon gipa-gwapahan ako’g maayo pinaagi sa make-up ug gisul-uban akog attire nga sexy, gilakgilak ug tabastabas nga sapot. Sa unang gabii sa akong pagsayaw sa stage niini, grabing palakpak sa mga cudtomers kung diin ako kanunay ang ilang gi-request sa pagpasayaw gumikan kay nakaangay sila sa akong ikid-ikid ug kimbotkimbot sa nindot kung lawas. Daghan kaayong tip nga mga kwarta ang akong natigom niadtong gabhiuna  gikan sa mga customers kinsa ang pipila kanila mga foreigners.
Pag-abot sa duha ka simana sa pagduty nako sa night club, akong gipakita ang maayong abilidad isip agogo dancer diin grabing ikis-ikis nako sa ibabaw sa stage niini. Nakasiplat ako nga adunay usa ka foreigner kinsa gwapo ug batan- pa usab ang kanunay motutok ug mopahiyom kanako. Pagkahuman sa turno sa akong sayaw, gipatawag dayon ako sa among floor manager kay kuno e-table ako sa maong foreigner. Tungod kay diha sa club medyo ipa-tsada man gayud ang among mga ngalan niini, mao pagduol jud nako sa amerkano…ako dayon giintroduce ang akong kaugalingon ug nagkanayon “Hi, I’m Letlet, 17 years old”. Mitubag dayon ang maong amerkano “Oh! Nice to meet you Letlet. I’m also Clark, 29 years old, and please take your seat”. Sa dihang nakalingkod na ako kuya, gikuyawan ako kay lima kabuok ra baya ang akong eninglis. Mingon na sab si Clark “Letlet, please order your drinks”. “What kind of drinkdrink Clark kanang kuan I want big big price of ladies drink. Tubag dayon siya “Ok go ahead Letlet”. Mitubag sab ko“What my head”? “No, I said that take your order”. Sus Kuya oi, gipaningot ko unsaon nako pag-eninglis.

Categories: Dear Kuya Sonny
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: