Home > Dear Kuya Sonny > Taga Merkado nahimong Agogo Dancer may Amerkano pa!

Taga Merkado nahimong Agogo Dancer may Amerkano pa!

“Ikalimang Yugto”

NANGLIGID pa ang mga adlaw niadto, hangtod nga nagsabak ako kang Clark kung diin gipaundang na niya ako sa pagsayaw sa night club nianang higayona. Nag-ipon kami sa usa ka apartment aron mahingpit kami sama daw sa usa ka magtiayon ug namalit kami sa among kagamitan para sa panimalay niini.
Dangtan ug siyam ka bulan, akong gihimugso ang among usa ka baby girl nga among gibunyagan sa pangalan nga Melanie ug miliwat gayud ang panagway ngadto sa iyang amahan nga si Clark ug gikalipay kaayo kini kaniya tungod kay nakabaton na siyag liwat. Nianang higayona, nagpalit si Clark og house andlot nga dili kaayo tanto dako apan attractive ug dekalidad. Mao namalhin dayon kami niini gikan sa apartment nga among giabangan.
Mipadayugdog pa ang dugang ka tuigan niadto Kuya, nagpanuigon na ang among anak sa pito ka tuig ug gipatungha kini sa iyang unang ang-ang sa elementarya ngadto sa usa ka pribadong tunghaan.
Gikan niadto, akong ihatod-kuha ang among anak ug kanunay kini himuong kalingawan sa mga maestra sa ilang tunghaan tungod kay nakadayig sila sa kamistiza ni Melanie.
Hangtod nga anaa na sa grade three si Melanie diin nianang panahona misanghid si Clark kanako nga molarga siya sa America aron makabakasyon siya sa iyang mga ginikanan niini. Ako siyang gitugotan kay matod pa niya nga mga unom ka bulan ra siya didto ug mobalik ra dayon.
Sa dihang kami na lang sa akong anak sa balay niini, nag-abri akog dako nga sarisari store aron aduna akoy kalingawan samtang si Clark usab ang magpadala kanamo og kwarta para sa among panginahanglanon. Tungod kay aduna naman akoy tindahan, mao one time nakabalik ako sa Cogon Market atol sa akong pagpangompra para sa stocks sa tindahan. Akong gibisitahan gilayon ang pipila ka mga kauban ko kanhi nga mga labasera ug grabi namong hinangopa Kuya Sonny ug midalit dayon ako kanila sa usa ka pani-udto. Ang uban kanila nangamimyo na usab kung diin miundang na usab sa pagtinda og isda.
Misobra na lang sa usa ka tuig gikan niadto, wala na makabalik si Clark, apan kanunay pa gihapon siya magpadala kanamo og dolyares. Hangtod nga midugang pa ang usa ka tuig niadto, ako nalang nasayran sa kaulahi-an nga naminyo na si Clark didto sa America. Diin usa ka adlaw niana, nakadawat ako’g sulat gikan sa America ug sa dihang pagbasa nako niini, sulat diay gikan kang Clark ug nakatulo ang akong luha kay miingon man siya nga bisan pa man naminyo na siya sa laing binuhat apan dili gihapon niya pakyason ang ipadalang sustento para kanamo dinhi sa Pilipinas.

Categories: Dear Kuya Sonny
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: