Home > Dear Kuya Sonny > Taga Merkado nahimong Agogo Dancer may Amerkano pa!

Taga Merkado nahimong Agogo Dancer may Amerkano pa!

“Katapusang Yugto”
NADUGANGAN pa og duha ka tuig gikan niadto diin nahulog na nga upat ka tuig nga wala na gayud mahibalik pa kanako si Clark. Samtang ang among anak si Melanie nagpanuigon na og 13 anyos.

Miabot ang panahon Kuya Sonny nahibalag nako si Oscar sa akong kinabuhi ug nagkasabot nga mag-ipon kami. Mao nga naglive-in gayud kami sama sa usa ka magtiayon. Samtang si Clark mas una pa kanako nga naminyo usab didto sa America. Hangtod, nakabaton kami sa usa ka anak nga babaye. Sa ato pa, pulos babaye ang akong duha ka mga anak.
Dangtan kadto sa duha ka tuig, nakita nako nga grabi ka palakero si Oscar, bisan kinsa na lang babaye nga malambigit sa iyang kinabuhi. Ug miabot gayud ang panahon nga milayas siya gikan kanako uban sa iyang kabit niini padulong ngadto sa dakbayan sa Butuan. Gidawat ko nalang Kuya ang tanan kay basin maoy akong kapalaran nga walay swerte ang akong kasingkasing ngadto sa usa ka lalaki.

Ang akong gibuhat, mitutok na lang ako sa padumala sa akong mini-grocery ug sa akong duha ka mga anak aron molampos sa ilang pag-eskwela.
Karon, 58 anyos na ang akong panuigon ug ang akong duha ka mga anak pulos na mga professionals diin nangaminyo na usab. Si Melanie naminyo sa adunahan nga atua karon sila nahimuyo sa Manila ug samtang ang akong ikaduha nga anak nga si Beverly naminyo sa usa ka engineer nga anaa usab nagpuyo diha sa dakbayan sa Iligan. Igo na lamang sila mobakasyon kanako dinhi sa Cagayan de Oro kaduha sa matag tuig apan si Beverly kay duol ra man halos kada bulan siya makadalikyat kanako.
Dinhi sa akong panimalay karon, kami na lang sa akong duha ka  pag-umangkon nga mga dalaga kinsa akong gipatungha sa ilang kolehiyo. Mao kini Kuya Sonny ang akong mapait apan mabulokon nga kaagi sa akong gugma ug kinabuhi. Hinaut unta nga kining akong sugilanon, makahatag kini og kapanaminan ngadto sa uban. Daghang salamat and more power. (letty)
MENSAHI: Abi nimo Letty, despite nga ingon niana ka kaniadto apan wala nimo gikaulaw kung asa ka gikan. Naningkamot ka nga moasenso gikan pa sa imong pagka-labasera hangtod misulod ka sa night club ug naminyo ka sa Amerkano dayon ngadto sa Filipino. Apan wala kay swerte sa imong gugma mao imong gi-fucos nalang ngadto sa imong duha ka anak ang panahon, kalooy sa Diyos na-professional sila ug naminyo sa adunahan ug professional usab. Daghang salamat.

Categories: Dear Kuya Sonny
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: