Home > WestMin Edition > 3-anyos nga bata gisanggot

3-anyos nga bata gisanggot

SINACABAN, Misamis Occidental––Usa ka 3-anyos nga bata ang walay puangod nga gisanggot sa usa ka hubog human gibadlong sa inahan samtang nanglaba sa usa ka suba sa nahisgutan nga lungsod.Kasamtangan nagtingkagol ang maong suspetsado sulod selda sa Bureau of Jail Management and Penology (BJMP) human nadakpan.
Ning nakalabay nga adlaw, usa ka batang babaye, 3-anyos, ang nakadawat og mga samad sa iyang ulo ug lawas human gisanggot sa usa ka suspetsadong hubog nga nailing si Gil Ocab, 45-anyos, ultiawo, walay trabaho ug residente sa Barangay Poblacion, Sinacaban, Misamis Occidental.
Sa report sa kapolisan matud pa samtang nanglaba human maligo sila sa iyang inahan ug laing duha ka mga bata, gibato matud pa sila sa maong hubog, ug tungod sa kahadlok gibadlong sa inahan, apan wala mo-undang ang suspetsado ug mikuha matud pa sa iyang dalang sanggot. Sa kakuyaw, nanagan ang duha ka dagkong bata ug ang inahan nga si Paloma Ugal, dalagang ina, aron mosumbong sa iyang kapuyo.
Apan sa pagbalik pa sa magtiayon, ila na lang nakit-an ang bata nga samaran ug nagkadugo samtang ang suspetsado ang wala na usab sa maong lugar. Dali nga gidala sa hospital ang bata samtang gipangita usab sa kapolisan human mi-report ang ubang mga silingan nga nagpakakita sa maong hitabo.
Wala dangpi og oras, nadakpan ang gikatahapang suspetsado ug karon ang anaa sa mabugnaw nga bilangu-an ug naghulat na lamang sa tukmang kaso nga ipasaka batok kaniya.

Categories: WestMin Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: