Home > Caraga Edition > Tungod sa TB, amahan naghikog

Tungod sa TB, amahan naghikog

SA kaguol sa usa ka amahan tungod sa sakit nga Tuberculosis (TB) iyang gitapos ang kaugalingong kinabuhi pinaagi sa paghikot sa  iyang liog ug nagpabitay sa usa ka sanga sa kahoy duol sa Butuan City hall niadtong byernes buntag Setyembre 23.Base sa imbestigasyon sa Langihan Police Station sa panguna ni SPO1 Danilo Oriarte nakit-an nga nagbitay ang biktima nga si Alvin Reguerme y Odron, 36-anyos, minyo, ug taga Purok Ubi Barangay Maon, Butuan City.
Nasayran usab nga gipahilayo ang biktima sa iyang mga anak tungod sa iyang sakit nga TB nga grabe na ang kahimtang.
Matud pa nga gikan sa iyang paggawas sa Agusan del Norte Provincial Hospital kaniadtong Petsa 20 ning bulan gipasabot na kaniya nga dili na siya pwede mo-ipon sa iyang pamilya tungod sa maong sakit.
Dugang usab sa igsoon sa biktima, nga si Melody Reguerme, nagpahimangno na kanila si Alvin ug miingon nga “ang tao mamatay man jud, ayaw lang ninyo pasagdi ang akong mga anak.”
Apan kaniadtong Petsa 22 sa Septiyembre wala na miuli ang biktima ug nagtoo ang mga igsoon niini nga didto natulog sa ilang balay sa Barangay Maon. Apan nasayran na lamang nila pagka buntag, nakit-an ang ilang igsuon nga nag hikog sa Fedilina Street, Barangay Limaha duol sa city hall.
Base sa autopsy nga gihimo sa Scene of the Crime Operatives (SOCO), nakit-an nga nag nana na ang iyang atay ug tinai, nasayran usab nga buslot na ang baga sa biktima tungod sa komplikasyon sa iyang sakit. Ihaya ang patay nga lawas sa biktima sa balay sa iyang ginikanan sa Resurrection, Barangay Limaha ning syudad.

Categories: Caraga Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: