Home > Love Letters, Uncategorized > Gugmang Bangis

Gugmang Bangis

Gugmang Bangis

“Unang Yugto”

TINAHUD kong Kuya, maayong adlaw kanimo. Mag-kuya lang gihapon ako kanimo bisan pa man nga anak ko ra ikaw sa gintang sa atung panuigon tungod kay mao man kana ang naandan nga itawag diha kanimo sa kinabag-an.
Ako si Godofredo, 76 anyos na karon ang panuigon ug lumad nga taga lalawigan sa Misamis Oriental. Sa among panahon kaniadto, formal gayud ang among pagpamisita ngadto sa usa ka dalaga dayon dasonan pa kini sa pagpangulitawo pinaagi sa daghan nga mga love letters ug maglingawlingaw usab sa matag adlawng Sabado atol sa ipahigayon nga BAYLE ilalom sa kalubihan diin ang gigamit pa kaniadto mao ang petromax ug radyo pono.
Sa akong kabatan-on kaniadto, akoy naila sa among lungsod nga palakero tungod kay kamay-ong nako si Rogelio de la Rosa kinsa karaang artista sa puting tabil nga nailang “matinee idol” sa among kapanahunan.
Adunay usa ka babaye maoy natingban sa akong pagbati nga anak og pinaka-adunahan sa among dapit. Dili basta-basta maduolan siya tungod kay istrikto kaayo ang iyang mga ginikanan niini. Lahi baya ang mga sapi-an kaniadto kay halos susama gayud ang batasan sa mga katsila. Mao mahadlok gayud ang mga ulitawo sa pagpaninguha diha sa maong dalaga kay gawas nga adunahan…isog pa gayod ang iyang amahan.
Usa ka adlaw niana, nakahigayon ako sa pakig-ila-ila kaniya panahon kadto sa usa ka dakong bayle sa among baryo. Tungod kay gi-announce niini ang pagbaligya sa bulak para kaniya, mao, ako ang mipalit dayon sa iyang bulak.
Ako dayon siyang gi-ila-ila samtang nagsayaw kami. “Ako tuod si GODIE, pwede ba masayod sa imong ngalan”? Mitubag dayon siya kuya. “Ahm, ako sab si Merlinda”. “Ikaw man tong anak ni Don Sebastian, Merlinda noh”?  “Yes, ako ang kamagulangan’g anak niya, tabi tuod, mao ba gayud kana ang imong ngalan nga usa ka Godie”. Mitubag dayon ko Kuya. “No, ako ray nag-angga niana samtang didto pa ako sa Manila, kay ang akong matuod nga pangalan mao ang GODOFREDO”. Misambat gilayon siya dala komedya. “Godie pa, Godofredo man diay’ng dako”. (May sumpay pa ugma).

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: