Home > Central Edition > Negosyante nga gidagit sa C. de Oro gibuhian

Negosyante nga gidagit sa C. de Oro gibuhian

CAGAYAN de Oro City––“I’m alive!” Mao kini ang giluwatan nga pamahayag sa gidagit nga negosyanteng si Manny Boniao ngadto sa iyang pamilya human matod pa siya gibuhian sa mga midagit kaniya niadtong Sabado sa gabii.

Ang luwas nga pagpauli ni Boniao ngadto sa iyang pamilya ang gikumpirmar ni Col. Gerry Rosales, ang hepe sa Cagayan de Oro City Police Office (Cocpo).
Ang luwas nga paghibalik sa negosyanteng gidagit ngadto sa iyang pamilya ang nasaksihan matod pa ni kanhi Balingasag Mayor Felix Borromeo, paryente sa asawa ni Boniao.

Matod pa ni Borromeo nga nakita niya si Boniao nga gihatod og usa ka motorsiklong “habal-habal” niadtong adlaw nga Sabado sa may alas 7 ang takna.
Dugang sa kanhi mayor nga naka-angkas si Boniao sa maong “habal-habal” nga motorsiklo nga midali og sulod sa gate sa panimalay sa biktima.
Nakurat na lamang matud pa ang mga sakop sa pamilya ni Boniao sa dihang kalit lamangkining mipatim-aw sa ilang panimalay ug nagsulti nga “I’m Alive”.
Apan wala matud pa nasayod si Boniao kon asa siya gitago sa iyang mga abductors ug asa sila mi-agi sa dihang gihatud kini sa ilang balay kay gitaptapan ang iyang mga mata.

Dugang pa ni Col. Rosales nga wala usab siya nasayod kon may ransom nga gihatag ang pamilya sa biktima bugti sa iyang kagawasan.
Una niini, gibutyag ni Mayor Vicente Emano na walay ransom nga gihatag ang pamilya sa biktima, gawaslamang sa “board and lodging” nga ilang gihatag. Dumdumang si Boniao ang gisignit sa unom ka armadong tawo sulod mismo sa iyang tindahan diha sa Barangay Gusa ning syudad niadtong Septiyembre 19 ning tuiga.
Sa pagka karon nagpabilin pa gihapon ang pangutana kung kinsa nga groupo ang nagkidnap kang Boniao kay matud pa ni Col. Rosales nga sa pagkakaron dili pa mohatag og pamahayag ang biktima kung kinsa gayud ang nagkidnap kaniya.

Matud pa ni Col. Rosales nga masubsub na karon ang pagpangita sa nakapalit niadtong Mitsubishi Adventure nga maoy gigamit sa pagkidnap ni Boniao nga giila nga si Rudy Biniga nga hangtud ning pagsulat wala pa kini ma-locate sa otoridad aron kini mapangutana.

Categories: Central Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: