Home > Dear Kuya Sonny > Tindera naminyo sa balo’ng Intsek nag-uros-uros ang gugma

Tindera naminyo sa balo’ng Intsek nag-uros-uros ang gugma

“Unang Yugto”
DEAR Kuya Sonny, maayong adlaw kanimo ingon man sa libolibong mga suking readers nimo ning nabantog nga tulomanon ang Dear Kuya Sonny. Kanunay ako magbasahan sa imong lindog diin maoy hinungdan nga nakahatag kini sa akong kaikag sa pagsalmot sa akong sulat-tampo diha kanimo tungod kay kinahanglan usab nga ang akong kaagi sa gugma ug kinabuhi makahatag kini og dakong pagtuloan ngadto sa kinabag-an.
Takpi lamang ako sa pangalan nga usa ka Precy, 28 anyos ang panuigon, naminyo sa usa ka balo nga negosyanting Chinese ug ania magpuyo sa usa sa mga syudad dinhi sa polo sa Mindanao. Siya mao si Ricky ang akong nahimong bana, 43 anyos na karon ang iyang panauigon usab. Manghod kaayo ako kaniya og 15 ka tuig. Apan wala nako gisapayan ang gintang sa maong pangidaron tungod kay nagkahinigugmaay man kami sa usag usa.
Aron masayran ang kinatibok-ang panid sa akong kagahapon, tugoti ako sa pagbukas ning maanindot kong sugilanon sa gugma ug kinabuhi. Samtang  20 anyos pa lamang ako niadtong June 8, 2003, walo ka tuig na ang nakalabay, misulod ako sa trabaho isip tindera ngadto sa usa ka dakong tindahan sa RTW sa among dapit nga gipanag-iyahan sa usa ka balo nga intsek. Siya si Sir Ricky, 35 anyos ang iyang panuigon nianang higayona ug buotan kaayo nga pagka-agalon.
Unang simana pa lamang kadto sa akong pagduty, akong namatikdan nga adunay pinasahing pagtagad diri kanako ang akong agalon.kanunay usab kini siya motan-aw kanako gikan sa akong nawong ngadto sa akong legs kay ilabi na ang gigamit nga uniform sa tindahan panahon sa among pagduty niini medyo adunay pagkamubo ug sexy kaayo. Tungod kay hitsuraan ako, taas ang height ug long legged. Wala siya masayop niini ug dili usab ikatago nga adunay siyay pagtana-aw nganhi kanako.
Usa ka adlaw niana, nangayo siya’g cell # kanako kay matod pa niya aron dali ra daw ako makontak sa panahon nga aduna siyay importanting isugo ngadto kanako. Apan nagduda na ako niana nga alibay ra kana ang gipasabot niyang rason. Mao ako siyang gihatagan dayon sa akong number niini.
Nianang pag-uli na nako sa among panimalay, alas utso sa gabii kadto, nasurpresa ako kay mi ring ang akong cellphone ug mitatak ang pangalan ni Sir Ricky sa screen niini. Mao akong dayon siyang gitubag. “Hello, good evening Sir Ricky”. Mitubag dayon siya sa tonadang ininsik nga halos ngulit ang iyang pinulongan. “Alow Precy, ako tawag imo ba kay wala ako lingaw dinhi ako balay ba”. “Ah, mao ba Sir Ricky?” Mitubag na sab siya ug nagkanayon. “Abi nimo Precy ba ako ganahan ayo imo kay ikaw buotan na babae ba”.

Categories: Dear Kuya Sonny
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: