Home > Central Edition > Kapolisan sa Oro dili angayan nga mo-relax

Kapolisan sa Oro dili angayan nga mo-relax

BISAN og na rilis nga buhi ug safety ang negosyante nga si Manny Boniao gikan sa mga midagit kaniya, ang kahugpungan sa mga magpapatigayon sa Cagayan de Oro City ang mihangyo sa kapolisan sa dili pag  “inday inday” diha sa ilang pagpanalipod sa seguridad sa katawhan.Pipila na ka higayon nga mipagawas sa ilang mga kabalaka ang Cagayan de Oro Chamber of Commerce (OroChamber) batok sa mga sunod sunod nga dagkong krimen sa tulis ug kidnapping apan ang ilang mga hangyo daw molahos lang sa dalunggang sa mga otoridad labi na ang kapolisan sa Amihanang Mindanao.

Ang presidente sa OroChamber nga si Tony Uy ang mihangyo sa kapolisan nga unta mas pakusgan pa nila ang ilang intelligence network ug kampanya batok kriminalidad dinhi sa dakbayan sa Cagayan de Oro ug ang kasikbit niining mga lugar sa Misamis Oriental.

Nabalaka pag-ayo ang mga negosyante nga wala na unyay mobubo sa ilang investment sa dakbayan tungod sa naghitak nga kriminalidad nga halos wala nay kasulbaran.

Sa laing bahin, gikalipay sa hugpong sa mga negosyante sa dakbayan ang luwas nga pagbuhi sa nadagit nilang kaubang si Manny Boniao.

Matud ni Uy nga giila nila ang paningkamot sa kapolisan apan wala kini nagpasabot nga mo-relax na sila paghatag seguridad sa katawhan sa dakbayan.
Siya miingon angayang hingusgan pa sa mga otoridad ang ilang intelligence gathering aron kapugngan ang pagkasubli sa gidangatan ni Boniao.

Samtang giangkon sa mga opisyal sa dakbayan nga mibayad ug salapi ang pamilya sa negosyanteng nadagit nga si Boniao ngadto sa mga tawong midagit kaniya.

Matud ni Konsehal Alden Bacal,vice chairman sa committee on police,fire and public safety nga normal lamang kon may mahitabong mga pagpangdagit balor sa salapi usab ang bugti sa kagawasan niini.

Siya miingon nga gikalipay usab nila ang pagbuhi kang Boniao apan gipanganti niini nga gukdon aron mataral sa hukmanan ang mga kidnapper kinsa kumpirmadong dili taga-dinhi sa dakbayan.

Hisayrang gibuhian si Boniao sa iyang mga abductor sa miaging gabii ug gihatod mismo sa pinuy-anan niini dinhi sa dakbayan. uban sa report sa bomboradyo.com

Categories: Central Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: