Home > Love Letters > First Love Never Die

First Love Never Die

“Unang Yugto”

TINAHUD kung Kuya Sonny, una sa tanan maayong adlaw kanimo lakip na sa imong mga suking readers sa Kabisay-an ug Mindanaw. Sama ako sa uban nimong mga magtatampo kinsa naaghat gihapon sa pagsalmot sa akong sulat-tampo aron akong ikapadayag ang kinatibuk-ang kagahapon sa akong gugma ngadto sa usa ka binuhat nga maoy nakahatag kanako sa tinuoray nakong pagbati kaniya gumikan kay siya ang akong crush ug nabug-os usab ang akong gugma diha kaniya isip siya ang akong First Love Never Die.

Nagsugod kining akong sugilanon niadtong tuig 1995. Wala pa mauso ang cellphone nianang panahuna tungod kay mitumaw ang maong communication unit niadtong tuig 1997. Ako pala si Rene, 35 anyos na ang panuigon karon ug nagpabilin pa gihapon nga usa ka ulitawo, nagwork as government employee dinhi sa dakbayan sa Cagayan de Oro.

Samtang nagpangidaron ako niadtong higayona og 19 ayos pa lamang. Aduna akoy gikahibalag nga usa ka babayi mao si Gina, maanyag nga binuhat, 19 anyos usab siya ug classmates kami sa usa sa mga inilang tulonghaan sa kolihiyo dinhi sa Cagayan de Oro.

Human sa among panggabii nga klasi, kanunay ako mo-escort ni Gina. Dayon kanunay usab ako magpadala og love letters aron iyang matino gayud nga wala ako magti-aw sa akong gibati ngadto kaniya. Hangtod nga gisugot ako ni Gina kay gibati man usab niya ang iyang talagsaon’g gugma nganhi kanako.

Gikan niadto, malipayon kaayo kami sa among relasyon. Gani, bisan tuod nga nagtungha pa kami, nakadawat man usab ang mga ginikanan niya sa among relasyon.
Among gisaad nga walay laing binuhat ang makaangkon sa among gugma gawas lamang kanamong duha og nagkasinaaray pa kami nga kamatayon lamang ang utlanan sa among gugma.

Categories: Love Letters
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: