Home > Caraga Edition > GIKLARO SA NEW PEOPLE’S ARMY, Silot sa DOLE Phils, dili kolekta, sinulat ni Obet Samonte

GIKLARO SA NEW PEOPLE’S ARMY, Silot sa DOLE Phils, dili kolekta, sinulat ni Obet Samonte

MALIPAY ug magpasalamat ang katawhan sa Surigao del Sur sumala pa sa National Democratic Front (NDF) North Eastern Mindanao Region kung muondang ug mupahawa ang Dole Philippines ug labing maayo usab nga dili musolod ang uban pang mga dagkung kompanyang nagplanong motukod sa maong lugar.Basi sa pamahayag ni Ka Maria Malaya tigpamaba sa NDF-NEMR nga malampuson ang gihimong kalihukan sa BHB Front 19 sa pag-guba sa duha ka backhoe, 4 ka dump truck, bodega, nursery ug pag tabas-tabas sa 20 ka ektaryang saging sa Barangay Anahaw  Daan, Tago, Surigao del Sur kaniadtong Lunes, Septiyembre 25. Tumong sa pagsilot ang pagpapahawa ug dili ang pagkolekta niini.
Dili sigurado ang lokal nga pangagamhanan sa matinud-anong pagbayad sa buhis niining kumpanya kay sila man gani ang magpalusot niining obligasyon. Ang tinuod nga nagbayad sa buhis mao ang mga katawhan kay dili kini sila makalikay sa lain laing porma sa buluhisan, dugang pa niini.
Angay usab ikalipay ang pag hawa sa Dole kay dili sumala pa tinuod nga naghatag kini ug kalambuan sa katawhan ilabina sa mga mag-uuma, apan pinaagi lamang kini sa pagpangilog sa kayutaan gikan sa mga gagmay, dugang pamahayag ni Ka Malaya.
Halos usa na lamang ka membro kada pamilya gikan sa mga mag uuma ang nagtrabaho sa gamay nga pa-sweldo ug ang uban dili pa siguradong madawat sa maong kumpanya, matud pa ni Ka Malaya.
Sumala usab sa maong grupo nga ang tinuod nga kalambuan ang pagpalambo sa 22,000 kapin ka ektaryang basakan nga adunay patubig, pagpaubos sa presyo sa abono ug pestisidyo, suportang programa alang sa paglambo ilabi na sa Tago ug San Miguel Surigao del Sur, sama sa bularan sa humay ilabi kung ting ulan.
Kasiguruhan sa pagkaong humay ug mais ang anangayang tagdon dili ang produktong export nga saging sa mga plantasyon, dugang pa niini.
Sa usa ka interview ning nilabay nga adlaw naguol ug naglagot si Surigao del Sur Governor Johnny Pimentel sa nahitabo matud pa niya: “Unsa nalang nga kalambuan ang gusto sa katawhan, kung muhawa dire ang maong kumpanya mubalik nalang kita sa pag pangamote? Bahala na ang mga katawhan kung unsay ilang gusto mahitabo sa probinsya.” “Kalambuan man kaha ang gipangita,” pahayag sa gobernador.
Gibutyag usab ni Gov. Pimentel nga ang dili paghatag sa gipangayo sa maong grupo ang hinungdan niini ug bisan pa kaniadtong mga nilabay nga bulad sagunson ang pag pangharass sa NPA ang nasinati  sa Dole.

Categories: Caraga Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: