Home > WestMin Edition > LBC branch sa Oroquieta gilungkab, 74-mil nadala, sinulat ni PJ Tremedal

LBC branch sa Oroquieta gilungkab, 74-mil nadala, sinulat ni PJ Tremedal

Oroquieta City––Blangko pa ang kapolisan kung kinsa ang miguba ug milungkab sa LBC-Oroquieta branch gahapon sa buntag.Sa iyang report ngadto sa kapolisan, ang Customer Associate sa LBC-Oroquieta nga si Maria Leohilda Dabandan, 33 anyos, dalaga, ug nagpuyo sa Upper Lancangan ning dakbayan, miingon nga nakurat na lang siya nga nakita nga nagkalat na ang mga gamit ug butang sulod sa establisamento ug bukas na ang steel vault. Nadiskobrehan ni Dabandan ang maong panghitabo human nga iya na untang buksan ang maong establisamento mga alas 7 sa buntag gahapon.
Sa nakuhang impormasyon sa kapolisan sa pagpangulo ni P/Supt. Paciano A. Deloso, kasamtangang hepe sa kapolisan sa Oroquieta, pinaagi usab sa pag-abag sa Misamis Occidental Provincial Police Office’s Scene of the Crime Operation (Moppo-Soco), nasayran nga ang mga kawatan o mga suspetsado ang miguba sa atop niini nga sin ug miguba sa kisame nga gihimong agianan niini––ug migamit ug usa ka portable acetylene equipment ug pugsanong giabli ang maong steel vault ug nadala gayud ang 74-mil nga kwartang cash.
Sa pakisusi sa Mindanao Daily Balita maayo na lang nga matud pa wala maapil ang i-remitay nga laing kwarta.
Sa dugang impormasyon nasayran nga walay security guard ang maong buhatan diin ang kasamtanagang area manager nga nailang si Engr. Sherwin Navarro nga nahidangat gahapon sa hapon ug nakighinabi sa hepe sa kapolisan nga tinuod nga wala silay gibutang nga security guard tungod ra usab sa policy sa kumpaniyang LBC.
Ning pagbalita, padayon ang kapolisan sa pagpaniktik kung adunay bay kalambigitan ang duha ka mga empleyado nga bag-o lang gitang-tang ug gisuspende tungod matud pa sa “financial matters” o kinsa gayud ang mga suspetsado nga daw mga professional nga mga kawatan.
“Dili halayo sa posilibidad nga usa kini ka inside job apan wala usab mawala ang katahapn nga dili taga-Oroquieta ang mihimo sa maong paglungkab ug pagkawat,” dugang pa ni Deloso sa pakighinabi Mindanao Daily Balita.

Categories: WestMin Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: