Home > Dear Kuya Sonny > Tindera naminyo sa balo’ng Intsek nag-uros-uros ang gugma

Tindera naminyo sa balo’ng Intsek nag-uros-uros ang gugma

“Ika-upat nga Yugto”
TUOD man Kuya Sonny, natuman gayud ang pagbukas sa bag-o namong negosyo mao ang fastfoods nga gipahimutang sa kinapusorang bahin sa among dakbayan. Ako ang nagmanage niini ug samtang ang akong manghod nga dalaga maoy gitudlo nga hulip kanako isip finace officer sa among department store.
Akong gimanage pagmaayo ang maong fastfoods aron kini magmalabuon ug mosanga pa kini unya ngadto sa laing area aron makahatag pa kami og igong serbisyo sa katawhan may kalabutan ang negosyo sa pagkaon.

Dangtan kadto sa duha ka tuig, misanga na ang among fastfoods kung diin igo na lamang ako sa pagtaboktabok niini para sa tukmang pagmanage sa matag karon ug unya. Nianang panahuna Kuya, adunay na kami anak ni Ricky nga babaye ug nagpangidaron na usab sa duha ka tuig.

Malipayon kaayo ang among panag-uban ni Ricky ug malingaw usab kami sa among anak. Panahon sa adlawng Dominggo kay magsirado man kami sa among negosyo, maglulinghayaw kami sa dapit para sa kalingawan sa mga bata aron malipay usab ang among anak.

Usa ka adlaw niana, nag-eskwela na ang among anak sa Kinder School ug ang akong igsuon maoy mohatod-kuha sa tunghaan niini. Siya ang moatiman sa among anak tungod kay panggabii man ang klasi sa kolihiyo sa akong manghod diin kami ra usab ang naggasto sa iyang pagtuon niini.

Hangtod nakahukom si Ricky nga balayan si Papa ug Mama nako aron aduna silay insaktong panimalay nga kapuy-an tungod kay kabus sab baya ang kahimtang sa akong mga ginikanan mao man gani nga nagsugod ako sa pagkatindera sa akong bana kaniadto gumikan sa among kawad-on.

Wala abti og dugayng panahon Kuya, natapos gayud ang pagpatrabaho sa maong panimalay nga usa ka dos andanas diin gikompletohan usab kini namo sa mga kagamitan niini ug amo kining gibutangan sa dakong sarisari aron adunay kalingawan ang akong mga ginikanan. (Atangi ang sumpay ugma).

Categories: Dear Kuya Sonny
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: