Home > Caraga Edition > 5 ka mga bata gisulayan og kidnap; kapolisan naka-alerto, sinulat ni Arjay Felicilda

5 ka mga bata gisulayan og kidnap; kapolisan naka-alerto, sinulat ni Arjay Felicilda

BUTUAN City–Alerto karon ang tanang kapolisan sa Butuan City Police Office (BCPO) human ma-report ang pagsulay og dagit sa 5 ka mga bata sa mga wala mailhing mga suspetsado niadtong milabay nga adlaw sa Barangay Kinamlutan ning dakbayan.Diha diha, gimandoan ni Col. Jose Carillo, ang hepe sa BCPO, ang tanang kapolisan sa paglusad og usa ka checkpoint human iyang nasayran nga adunay mga tawong gusto modagit og mga bata sa dakbayan.

Sumala sa tigpamaba sa Philippine National Police (PNP) sa Caraga Region nga gimandoan ni Col. Carillo ang mga ginsakupan niini nga makig coordinate sa mga adjacent units aron ma identify ang mga misulay sa pagpangdagit sa mga bata.

Gipakusgan na usab sa kapulisan ang pagpahigayon og checkpoints sa mga dalan padulong Surigao area, Davao ug Misamis Oriental nga maoy posibleng direksyon sa mga kidnappers.

Samtang matod usab ni Association of Barangay Captains President Nestor Amora nga andam ang iyang kadumalahan sa pagmando sa tanang barangay kapitan nga gamiton ang ilang mga barangay tanod aron maoy mamahimong personahe sa pagpahigayon og checkpoints sa mga kabaranggayan aron masiguro ang seguridad sa katawhan.

Nasayran nga naluwas sa usa ka third year high school student ang 5 ka mga bata nga gisulayan pagdagit sa mga wala mailang suspek sa Barangay Kinamlutan ning dakbayan.

Sumala sa nakaluwas sa mga biktima nga si AJ Mahilom, gikan pa siya sa Kinamlutan High School human sa ilang National Career Assessment Examination kon NCAE sa dihang namatikdan niya ang lima ka bata nga anaa sa pangedarong 5 ngadto 8-anyos nga nagapangayo og tabang ug naglumba’g panagan nga daw adunay naggukod.

Sa iyang pagsaysay, usa ka kolor maroon van nga walay plate number ang misulay sa pagkidnap sa mga biktima kundiin nakita pa niya ang naka-bonnet nga driver, usa ka babaye ug mga nagahilak nga bata sulod sa naasuy nga sakyanan.

Tungod niini, mas gipahugtan pa sa local officials ang paglusad og checkpoints sa maong dapit ingon man ang pagpanubay kon si kinsa og asa naggikan ang mga wala pa nailang mga suspetsado.

Ang pagpangdagit sa mga bata ang gikagubtan usab didto sa probinsiya sa Bukidnon diin matod pa adunay mga tawo nga mangdagit og mga bata aron kini kuhaan sa mata, kidney, ug ubang mga internal organs.

Categories: Caraga Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: