Aduna bay kalinaw ang Cagayan de Oro?

ANINAWA ninyo kung aduna bay matuod nga kalinaw ang dakbayan sa Cagayan de Oro. Suhira ninyo kung wala bay krimen nga mga panghitabo sa atung palibot.Lantawa ang atung kapolisan kung nakapakgang ba sila sa posibling kriminalidad nga panghitabo. Nagtrabaho ba ang kapolisan para sa kahusay ug kalinaw sa atung dakbayan?

Wala ba nagpabusdik lamang sa ilang mga tiyan diha sa pagtubag sa gikinahanglan sa katawhan?
Wala ba maghulat sa pagdawat sa ilang suholan gikan sa buhis sa katawhan diin diha gikan ang ilang paninguhaan alang sa pamilya niini sa matag adlawng tanan.

Kini maoy gipangutana sa mabagang duot sa katawhan kinsa kanunay mongawngaw para sa seguridad sa ilang kinabuhi ug kabtangan.

It is mandated under the Philippine Constitution as stipulated therein that the prime role of the police is to protect the lives and  properties of our nation.

Is there a genuine peace and order in our locality? Dugang pangutana kini sa magbubuhis.

Dili ikatago nga adunay daghan kaayo nga mga sakop sa kapolisan ang nagtarong usab sa ilang trabaho apan madamay lamang sila gikan sa ilang mga kadagkuan niini nga maoy nagplano sa pag-ugmad alang sa kahapsay unta sa syudad.

Maapil na lang hinuon ang uban’g tarong nga mga pulis gumikan sa walay nada nga pagpatuman sa peace and order tungod sa ka haguka diha sa pagtutok sa kasulbaran sa atung kalinaw.

Maoy tima-i, kadtong pagkidnap ni Manny Boniao sulod mismo sa iyang tindahan sa Barangay Gusa ning dakbayan sa Cagayan niadtong Septiyembre 19 dili pa lamang dugay, naharangan ba ang gisakyan sa mga suspitsado despite nga aduna nay pag-ila sa plate number ug matang sa behikulo niini. Wala gayud. Gumikan kay haguka ang pamaagi sa kapolisan atol sa ilang pagcheckpoint niadto.

Nasulbad ba sa kapolisan ang maong hitabo? Wala! Tungod kay naka-uli nalang si Boniao ngadto sa iyang pamilya bugti sa gitawag nga Board ang Lodging Fee apan por dios por santo, ang nakasulbad ra usab niini mao ra gihapon ang biktima nga makalingkawas siya gikan sa mga kamot sa iyang abductors. Pwe! Ops ayaw kasuko niini kay kung malain ka, buot sabton nga wala ka ma-belong sa tarong nga mga pulis. Matarong man kaha ka? So, pasalamat nga atung kining gigiring-giringan aron masulbad na kini.