Home > WestMin Edition > Presyo sa tubig sa Iligan dili angay tas-an: Dalisay, sinulat ni Boy Decena ug Melvin Anggot

Presyo sa tubig sa Iligan dili angay tas-an: Dalisay, sinulat ni Boy Decena ug Melvin Anggot

ILIGAN City––Kusganong gibarugan ni City Councilor Moises Dalisay Jr. nga kinahanglang magbaton og kaugalingong taripa sa bayronon sa tubig ug dili lamang mosunod sa gipatumang presyo sa ubang dapit.Hinoon giklaro sa Chairman sa Committee on Water sa konseho nga angayan usab nga adunay usbaw sa balayronon sa supply sa tubig sa higayon nga magsugod na ang pagserbisyo sa bag-ong sistema.

Buot mapatuman ni Konsehal Dalisay ang usa ka water tariff nga makatubag sa mga gikinahanglan sa operasyon sa Iligan City Waterworks Systems Office ug dili sa bili nga mag-antos ang katawhang konsumante.

Sa kasamtangang panahon, mokabat lamang sa dos pesos ug singkwenta centimos ang bili sa tubig sa Iligan sa matag metro cubico ug dili susama sa ubang siyudad nga dise ocho pesos matag metro cubico.

Sa susamang hisgutanan, una nang mipasabot si ICWS Manager Engr. Christine Milagros Orbe nga gikinahanglang ipatuman sa dakbayan ang usa ka rationalized water tariff kon makatarunganon nga singil sa tubig aron kalikayan nga i-subsidize sa siyudad ang operasyon sa ICWS.

Kini usa ka pamaagi nga gipaboran ni Mayor Lawrence Lluch Cruz.
Sa laing bahin, gihikay karon sa tulo ka lokal nga magbabalaod ang usa ka draft ordinance nga mosumpo sa illegal water connections sa bisan asang dapit dinhi sa Dakbayan sa Iligan.

Kini mao sila si City Councilor Ruderic Marzo sa Ways and Means, City Councilor Chonilo Ruiz sa Committee on Finance, ug Konsehal Dalisay.

Matud ni Konsehal Dalisay, matawag nga ilegal ang koneksiyon sa tubig kung direkta ang pagkutay sa usa ka electric water pump ngadto sa mainline nga wala’y pressure tank o kaha pagbutang og water reservior ibabaw sa atop sa balay ginamit ang electric water pump direkta ngadto sa mainline ug pagkutay sa linya sa tubig nga wala moagi sa metro.

Gitun-an sa tulo ka konsehal ang labing tukma nga silot ngadto sa mga masapon unya nga makalapas sa mapanday na unya nga ordinansa.

Categories: WestMin Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: