Home > Balita > 3ka mangingisda na-rescue sa Initao, sinulat ni PJ Trermedal

3ka mangingisda na-rescue sa Initao, sinulat ni PJ Trermedal

Jimenez, Misamis Occidental––Dakong pasalamat sa kagamhanang lokal sa Jimenez pinaagi kang Municipal Mayor Ranulfo Limquimbo ug sa pamilya sa 3 ka mga biktima sa pagkawala niadtong Lunes ning semanaha sa lawod sa Iligan Bay aron mangisda diin nakaplagan didto na sa kadagatan sa Initao, Misamis Oriental.Sa usa ka report nga nadawat sa Mindana Daily Balita gikan ning lungsod, ang 3 ka mga mangingisda ang matud pa nawala human miadto sa lawod sa Iligan bay aron mangisda ug tungod sa dautang panahon nga tali-abot bisan pa halayo sa Mindanao ang Bagyong Pedring, ang tulo mipugos gayud nga mangisda apan gikataho na lamang nga nawala.

Pinaagi sa MOSART (Misamis Occidental Search and Rescue Team inabagan sa LGU-Jimenez MDRRC ug Philippine Coast Guard nga nakabase sa Ozamiz City ang nangita gilayon sa 3 nga nailing sila Alejandro Tabangan, 69-anyos, Joner Bagsican, 24, ug usa ka Lurie Ananiza, 32-anyos nga taga-Jimenez.

Ning pagbalita, naluwas matud pa ang 3 ni Lanrey Sacay, mangingisda ug taga Purok Uno, Poblacion, Initao, Misamis Oriental kagahapon sa kaadlawon nga nagutaw-utaw sa maong kadagatan sa Initao, Misamis Oriental.

Sa pagkahibalo niini sa nahitabo sa tulo dai usab niining gipasakay sa iyang pumpboat ug gidala sa ilang poblacion guyud ang gubang pumpboat sa tulo ka mga mangingisda.

Sa pagkakaron gi report na ni Barangay Kagawad Michel Magsayo Balingit sa Purok Uno ang maong taho sa kapolisan sa Initao ug dai usab kini gipahibalo sa Regional PNP Command aron ikataho o flash report sa Misamis OccidentalPNP Provincial Police Command nga ang tulo nga naitahong nawala nakaplagan na.
Ang 3 ang dali usab nga giadto sa mga pamilya niini.

Categories: Balita
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: