Home > WestMin Edition > 5 ka suspek dakpan human nanulis, sinulst ni.PJ Tremedal

5 ka suspek dakpan human nanulis, sinulst ni.PJ Tremedal

CLARIN, Misamis Occidental––Lima ka mga gikatahapan nanulis sa usa ka negosyante’g bulad ang nadakpan sa mga otoridad didto sa Barangay Guba, Clarin, Misamis Occidental.Sa usa ka report gikan sa Misamis Occidental Provincial Polic Office sa pagpangulo ni police Sr. Supt. Robert Quenery nasayran nga 5 ka suspetsado ang nadakpan ni Punong Barangay Hermie Demecillo human nakatawag ang mga biktima aron magpatabang.

Sa report nga nadawat sa Mindanao Daily Balita, matud pa nga sila Anaphne Betinol, 44-anyos, usa ka negosyante ug bulad sa Poblacion 4 ug kauban niini nga si Juliet Manlegro ang sakay sa usa ka KIA Bongo nga gimaneho sa bana ni Anaphne nga si Mori Bento ang giharang sa mga tulisan didto sa boundary sa Barangay Sibasi ug Guba sa lungsod sa Clarin pinaagi sa pagbutang ug usa ka kabaw sa tunga sa dalan ug tungod sa maong sitwasyon mihunong gayud ang gisakyang de karga nga puno ug bulad nga mopaignon na unta sa dakbayan sa Ozamiz.
Ug sa paghunong sa maong trak de karga, mibutho ang lima nga armado ug kalibre 45 ug kalibre 38 ug diha-diha misinggit ug hold-up.

Nakuha gayud sa mga suspetsado ang 12,000 mil pesos gikan sa belt bag sa banan ni Anaphne, ug laing wallet nga adunay sulod 2-mil pesos, usa ka cellular phone, usa ka relo de pulso (Seiko) nga dako ang kantidad samtang sa laing biktima nga si Juliet nakuha usab gikan kaniya ang salaping 1,650 pesos ug uban pang personal nga gamit sa iyang gigunitang bag.

Sa susamang higayon misakay ang tulo sa mga suspetsado sa usa ka Honda XRM nga pula ug mipahilayo sa maong lugar samtang ang laing duha ang naglakaw paingon sa Barangay Guba, niini wala usab maglangan ang mga biktima sa patawag ngadto sa Barangay Chairman nga dali usab miresponde.

Ang lima nga suspetsado nadakpan ni Demicillo ug nailing sila ni John Paul Reuyan, 19, John Riel Reuyan, 17, Romeo Sepe Jr., 22, nga sakay sa motorsiklo samtang ang laing duha nga naglakaw lamang mao sila Gideon Abordo, 29, ug usa ka Joan Base, 21, nga taga Barangay Sibasi.

Ning pagbalita nagtingkagol ang 5 ka suspetsado Clarin Municipal jail samtang naghulat ug pormal nga pagpasaka sa usa ka kasong pagpanulis.

Categories: WestMin Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: