Home > Caraga Edition > 5 patay, duha angol sa mga aksidente sa dalan, sinulat ni Arjay Felicilda

5 patay, duha angol sa mga aksidente sa dalan, sinulat ni Arjay Felicilda

KAMPO Rodriguez, Butuan City––Ang 48 anyos nga si Ms. Juanita Acut Cupin, taga-Agusan Pequeño, dakbayan sa Butuan milagpot samtang nagtabok sa dalan kay napunggit sa naghaguros nga Isuzu Fuego.Sa iyang paglagpot, siya nasaghiran sa usa ka van ug namatay. Kini nahitabo sa Barangay Canayugan, Bayugan City.

Ang driver sa Isuzu Fuego mao si Mr.  Nelson Yap Yu, taga-Lianga, Surigao Sur samtang ang sa van, si Mr. Rolly Montadas Cubillas, taga-Bancasi, Butuan City.
Reckless imprudence resulting in homicide ang kasong gipasaka batok kanila.

Sa  laing aksidente, misungag sa usa ka bus ang motosiklo ni Mr. Mario Alejandro Estacio, 32 anyos nga taga-Gil Puyat Avenue, Makati City.
Kini nahitabo sa Maharlika Highway, Tabon-tabon, Sibagat, Agusan Sur.

Gumikan sa angol, siya gidala sa Butuan Doctor’s Hospital sa Butuan samtang si Bus Driver Samuel Salabe Tejor, 39 anyos nga taga-Consuelo, Magsaysay, Misamis Oriental mitahan sa Sibagat Municipal Police Station.

Sa laing bahin, napunggit sa PUJ nga gimaneho ni Mr. Edwin Camelotes ang motorisklong gi-angkasan nila ni Mr. Kenny Jay Visayan, 18 anyos nga taga-Brgy Basilisa, RTR ug ni Christian Visayan, 12 anyos.

Kini nga aksidente nahitabo sa Cadena de Amor Street, RTR, Agusan Norte. Naangol si Christian.

Samtang patay ang duha ka taga-Brgy Salvacion, Butuan City nga sila si Mr. Jeffry Diola ug Mr. Dondon Selpa Diola, 26 anyos sa dihang ilang nabanggaan ang Barangay 12 marker sa FC Dagani Avenue, Cabadbaran City.

Sa Libertad, Butuan City, patay ang 18 anyos nga si Ms. Jelo Jusay Maturan nga taga-Paradise, Libetad, Butuan City, sa dihang samtang siya nagsakay sa Isuzu
Forward truck, siya misangit sa naglaylay nga linya sa telepono.

Sa iyang pagsangit, ang biktima nahulog tumong sa ulahing ligid sa truck ug naangol. Gidala sa Agusan Norte Provincial Hospital ug sa Butuan Doctors Hospital, diin siya gideklarar nga patay.

Ang driver nga si Mr. Romulo  Jamilo Latigo Jr., 28 anyos nga taga- Buenavista, Agusan Norte, gipriso ug pasakaan og sumbong reckless imprudence resulting in homicide.  (uban sa report nila ni SPO1 Arturo Campania, SPO1 Philip Amer Posas Mazo ug PO2 Darlin Cabalinan-Migullas, PRO-13 Info Office)

 

Categories: Caraga Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: