Home > Love Letters > First Love Never Die

First Love Never Die

“Ikatulo ug katapusang Yugto”   NAGPAABOT kami sa tulo ka oras gikan sa pagka-admit ni Gina sa hospital diin samtang nagpaabot kami sa gawas sa emergency room niini ang kalit migawas ang doctor ug gihinayhinay kami sa pagpasabot nga nakabsan sa kinabuhi si Gina.

Igo na lamang kami sa pagpatulo sa among mga luha ug samtang ang mga ginikanan niya grabing tyabaw sa gidangatan sa ilang pinangga’ng anak. Misamot pagdat-og kanako ang langit kuya sa nahitabo kang Gina.

Danguyngoy ug bakho ang midangat kanako niadtong higayuna. Igo na lamang ako sa sa pagpanghupaw daw dili nako madawat ang maong hitabo.

Mao migawas gilayon ako gikan sa tambalan ug akong gipangita ang driver kinsa maoy nakabangga kaniya. Apan pakyas ang tanan tungod kay wala mailhi ang maong sakyanan lakip na ang plate number niini gumikan kay walay tawo nga naka-alinggat sa maong sakyanan.

Mao, mibalik na lang dayon ako kuya ngadto sa tambalan diin halos magkawan ang akong mga tiil niini padulong ngadto sa nahimutangan ni Gina. Sa dihang pag-abot nako, atua na siya gipahimutang sa morgue niini.

Ako kining gisulod ug akong gigakos siya halos mibanaw ang akong mga luha niadto…”Gina, nganong gibiyaan mo ako, diba nagsinaaray kita nga mag-uban kita hangtod sa kahangturan apan nganong gitalikdan mo man ang atung gipanumpaan…hu hu hu Gina mahal ko kaayo ikaw. Gina!!! Ayaw Gina!

Gidali ako’g kuha sa mga tinugyanan sa hospital kay ila nang ekarga ang iyang patayng lawas ngadto sa punerarya. Misamot ang akong kalisang ug dangungoy kuya tungod kay halos dili nako masabot ang akong kaugalingon niadto.

Human nalubong na si Gina, akong gihulat nga mama-uli na ang mga tawo nga mihatod sa katapusang pahulayanan niya niini. Samtang ako na lang ang nabilin sa ibabaw sa iyang lubnganan. Akong gisaad kini ngadto kaniya. “Gina, mahal ko kaayo ikaw, ato kining gisaad nga kamatayon lamang ang utlanan sa atung gugma…i Love you very much Honey…i love you now ang forever”. Ako kining gisinggit Kuya Sonny sa ibabaw sa iyang lubnganan nga nagkanayon “Gina dili ug dili gayud ako mangita pa’g lain nga ihulip diha kanimo alang sa akong kasingkasing, ikaw lamang honey ang higugmaon sa tibuok kung kinabuhi kay ang gugma ko kanimo dili gayud malawos ug dili gayud malaya ang mga tipik sa imong gihay…first love never die.

Nagpabilin ako nga ulitawo kuya hangtod karon sa akong pangidaron na nga 35 anyos. Dinhi lamang ako kutob ug daghang salamat.
Imong magtatampo,
Rene

Categories: Love Letters
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: