Home > Dear Kuya Sonny > Tindera naminyo sa balo’ng Intsek nag-uros-uros ang gugma

Tindera naminyo sa balo’ng Intsek nag-uros-uros ang gugma

“katapusang Yugto”  
SAMTANG  kamulong inom-inom si Ricky uban sa usa ka GRO nga iyang ka-table. Midiritso dayon ko ngadto sa counter niini ug nagtindogtingdog. Sa dihang na alinggatan ako ni Ricky, kanunay kini siya motan-aw nako ug mapahiyumon kaayo. Mao, mi-smile sab ko. Wala gayud siya makaila nga ang iyang asawa na diay kadto.
Wala madugay, iyang gitawag ang tag-iya sa bar niini ug gihunghongan. Taudtaud, mitindog ug mihawa kadtong daan niyang gika-table dayon mipadulong kanako ang maong tag-iya sa bar kinsa classmate ra sab nako ug miingon nga gusto daw makig-table siya kanako ug grabing kiniloay namo taman sa ginhawa dala katawa. Mao miduol dayon ako kaniya.
Pagtupad nako’g lingkod niini, miingon dayon ang akong bana kinsa misamot na hinuon ka ngulit ang iyang sinultihan tungod kay nahubog na. “Miss, order imo ladies drink ha bisan kana mahalon ba kutob imo ba mahurot ha”. Mitubag dayon ko. “Karong taudtaud Sir”. Hangtod nga iya akong gigakosgakos og gikuotkuot dayon miiingon pa kini. “Abi nimo Miss ba, kamukha ka ako wife ba, mao ikaw ako gi-table kay type ka nako ayo ba”.
Gipasagdan lang nako siya sa siging kuotkuot bisan asang bahin sa akong lawas total ako man siyang bana. Misulti pa siya nga kuno ang gugma niya ngadto sa iyang asawa, nag-uros-uros pa hangtod karon. Mao ako siyang gitubag nga how come nag-uros-uros iyang gugma niini nga mosulod pa man siya sa night club. Ingon dayon niya nga ang asawa daw dili biyaan apan ang iyang gibuhat mao ang lingawlingaw lang dala ULBO2X sa laing babaye. Lami na unta kusnoton ang akong bana apan akong gipugngan aron makaakto gayud ako kaniya. Pagkataudtaud, migimok na ang kahigwaos ni Ricky ug iya dayon akong gihanggat nga mag-outing daw mi kay ka-ulbohon na kaayo siya. Mao misugot dayon ko aron didto mi sa motel magprangkahanay ug dili diri sa night club kay makahatag og iskandalo.
Sakay dayon mi sa taxi, marama kaayo, wala gayud niya gamita ang iyang kaugalingon’g sakyanan. Pag-abot namo sa motel, didto nakita ang katag ug ako siyang gitug-anan sa tinuod nga si Precy ko, ang iyang asawa. Wala makatuo si Ricky sa iyang nakita ug nabasa nako sa iyang hunahuna nga bantog ra kamay-ong kami sa nagpatuo nga GRO kay si Precy ra man usab diay gihapon. Grabi ang pagluhodluhod sa akong bana kuya sa iyang pagpangayo og pasaylo diri kanako. Ako ra usab siyang gipasaylo kay mahal baya kaayo siya nako.
Human sa iyang pagpangayo’g pasaylo tungod kay nahinaykan namo nga nakasulod kami sa usa ka motel diin maoy hinungdan man gani nga iya akong gi-outing niini kay gusto niya makighilawas, mao, amo nalang gitiwas ang gusto niya diha sa natad sa kalipay sa kama isip magti-ayon.
Karon Kuya, wala na gayud mibalik pa si Ricky sa pagsulod sa night club. Iyang gibuhos na ang pag-atiman sa among negosyo ug pag-alagad sa iyang pamilya niini diin dako kaayo ang akong kalipay nga kung wala nako buhata pa kadto ang pagtakuban sa iyang atubangan didto sa suki niya nga balay kalingawan, dili tingali siya mag-usab.
Mao kini Kuya ang kasinatian sa akong gugma ug kinabuhi uban sa akong bana nga si Ricky usa ka negosyanting Chinese. Daghang salamat sa imong pagtagik ning hadurawan sa akong kinabuhi.
Imong magtatampo,
Precy

MENSAHI: Maayong adlaw kanimo Precy. Una sa tanan mga higala, wala una kitay TEXTX2, EYEBALL2X karong adlawa lamang tungod sa kataas sa katapusang yugto sa atung sugilanon. Bueno Precy, lahi usab ikaw nga matang sa pagka-asawa kay ang imong gusto nga ikaw ang maka-akto gayud pinaagi sa limpyo ug intelligence style aron dili maka-ipsot ang imong bana sa iyang binuhatan sa pagbudhi kanimo mao nagpa-papel ikaw niini isip usa ka GRO. Salamat nga nangayo og pasaylo ingon man nakaamgo si Ricky sa iyang sayop nga kalihukan ug karon nagbait na siya. Maanindot usab ang imong kaagi tungod kay ikaw usa ka tindera lamang kaniadto sa imong bana ug wala damha nga magkadayon kamo. Lig-ona pa ang imong kaugalingon Precy. Daghang salamat.

Categories: Dear Kuya Sonny
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: