Home > Caraga Edition > 4 patay, kapid-an samdan sa ambush, sinulat ni Arjay Felicilda

4 patay, kapid-an samdan sa ambush, sinulat ni Arjay Felicilda

CAMP Rodriguez, Butuan City––Upat ka dumadapig sa gobyerno nanga-impas atol sa ambush sa Caraga Region sa miaging adlaw.Ang mga biktima sa ambush sa Brgy. Balit, San Luis, Agusan Sur  mao sila si Corporal Benhur Mansulonay, 44 anyos, samdan; CAFGU Anthony Dique, 25 anyos, patay; CAFGU Jonathan Dejado, 24 anyos, unang gikareport nga missing-in-action, apan  nakauli sa ilahang balay sa San Luis; ug CAFGU Jothams Mansulonay, 18 anyos, ug walay tatsa.
Ang mi-ambush kanila gitoohang mga sakop sa NPA nga naglihok sa San Luis ug sikbit nga mga dapit.
Samtang sa Road 84B, Purok 7, Sitio Mabog, San Roque, Bislig City, gi-harass sa 30 ka gitoohang sakop sa NPA ang Bagani Tribal Force nga gipangulohan ni Datu Domogoy kaniadtong Biyernes.
Nasuta nila ni  P/Supt. Ronelo Jaurigue sa Bislig Police Station ug 2Lt Luna sa 75TH  IB, PA nga sila si Datu Dumogoy nagtukod niadtong higayon og ilahang kampo sa dihang sila gihasi sa 30 ka armadong sakop sa NPA, pinangulohan ni alyas “Friday” sa SECOM 14, NEMRC.
Nahitabo ang pinusilay sulod sa pipila ka mga gutlo. Adunay mi-reinforce nga laing team sa Bagani apan giharang sa mga ‘rebelde’.
Nangamatay atol sa hitabo sila si CAFGU Danilo Anod, CAFGU Gilbert Asis ug CAFGU Efren Dumogoy. Nasamdan sila si CAFGU Arman Upayan ug CAFGU Joel de Guzman.
Sa laing bahin, na-engkwentro nila ni Cpl. Pagapong sa Special Working Group, 36 IB, Philippine Army ang unom ka ‘rebelde’,  hapon sa petsa-30 sa Septiyembre ning tuiga sa Kiskis, Brgy Siagao, San Miguel, Surigao Sur.
Milungtad sa 10 ka minutos ang pinusilay nga misangpot sa kamatayon ug pagkasamad sa wala natinong gidaghanon sa mga ‘rebelde’. (uban sa report nila ni PO2 Darlin Cabalinan-Migullas, SPO1 Arturo S Campania ug PO3 Zena Menioria Panaligan, PRO-13 Info Office.)

Categories: Caraga Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: