Home > Dear Kuya Sonny > Ang bana kung textmate nga balo labihan ka galanti

Ang bana kung textmate nga balo labihan ka galanti

“Unang Yugto”

DEAR Kuya Sonny, una sa tanan maayong adlaw kanimo ingon man sa imong mga suking readers dinhi sa tibuok polo sa Mindanao. Tawaga lamang ako sa pangalan nga Criza, 28 anyos ang panuigon karon, usa ka single mom kaniadto ug karon naminyo na sa usa ka responsible balo  dinhi sa Dipolog City.
Taudtaud na ang akong pagka-sinlgle mom tungod kay igo lamang ako gi-itihan sa usa ka lalaki kaniadto kinsa eresponsabli ug walay baruganan sa iyang mga saad nga unongan niya ako kung unsay dangatan sa among gugma kunohay apan human nga namabdos ako, iya na lang dayon akong gilayasan. Maoy hingungdan nga gihimugso nako ang akong anak kansang amahan niini nalumos sa sabaw sa kalamunggay nga walay subak.
Nagpangidaron na ang akong anak og singko anyos karon tungod kay 22 anyos pa lamang ako niadto sa dihang nadisgrasya ako uban sa maong walay puangod nga lalaki.
Nagsugod kining ankong sugilanon sa gugma ug kinabuhi sa dihang nakahukom ako nga moapil ako sa imong nabantog nga portion mao ang WANTED TEXTMATE niadtong bulan sa Hunyo ning tuiga. Misulay ug nagpakatakos gayud ako sa pagtext kanimo Kuya Sonny aron ma-publish ang akong cell number pamasin nga makakita ako’g textmate nga lalaki kinsa responsabli ug mahigugmaon.
Tuod man, daghan kaayo ang nagpungasi sa pagtext diri kanako tungod kay labihan man ka sikat ang imong portion sa mga binuhat nga buot makahibalag og hinigugma. Gani, usa sa akong mga friends ang miaghat kanako dala komedya nga ikaw unta Kuya Sonny ang ilang gi-suggest diri kanako nga maoy himuon nga ka textmate apan wala ako magbalibali niana kay gawas nga taas ka ra og level…maulaw ako kanimo ug basin usab aduna kana’y kaugalingon nga pamilya.
Hangtod, nakapili gayud ako sa mamahimong ka textmate ug ang akong gikahibalag nga lalaki mao si Raul, usa ka balo, 48 anyos ang panuigon, adunay duha ka mga anak, negosyanti sa rattan products  pang export ug lumad nga taga dakbayan sa Iligan.
Siya ang unang mitext kanako human lagi iyang nabasahan ang akong ngalan ug cell # nga napublikar pinaagi sa Mindanao Daily Balita. Dayon nagka-inilhanay kami sukad niadto. Akong gibutyag kaniya ang matuod kong kagahapon nga mao kana ako ug iya kining gidawat.
Miabot ngadto sa usa ka bulan ang among relasyon, iya gayud akong gibisitahan dinhi sa among dakbayan ug nagkahimamat kami. (Atangi ugma kung unsay dangatan sa ilang panagkita).

Categories: Dear Kuya Sonny
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: