Home > Love Letters > Gugmang Shakoy

Gugmang Shakoy

(Sa shakoy sila nagkita ug nag-ila diin karon shakoy lang gihapon ang utlanan sa ilang gugma)
“Unang Yugto”
TINAHUD kung Kuya Sonny, ako si Luzviminda, 58 anyos na ang panuigon karon, naminyo sa usa ka lalaki nga buotan kaayo gikan pa sa among pagka-trato niadto ug hangtod karon diin mibunga na sa daghan nga mga apo. Aron masayran sa imong mga readers ang kinatibuk-an sa among kaagi sa gugma, nagpakatakos gayud ako sa pagtagik ning talagsaon namong kagahapon sa gugma diin nagsumikad niining mosunod nga kasinati-an ug kasaysayan…
Nagpangidaron ako niadto og 18 anyos, samtang ang akong mga ginikinakan adunay tindahan sa painitan niadto sulod sa merkado ning among dapit.  Ako ang kanunay mag-bantay sa among painitan diin ang among suki nga maoy tig-gama sa shakoy, permi ako niya deliberan niini. Usa siya ka ulitawo kinsa maoy tighatod matag buntag nga tanan sa maong shakoy nga binuhat ra usab sa iyang mga ginikanan. Siya si Rafael, 20 anyos ang iyang panuigon niadto.
Kini si Rafael, may hitsura, taas ug palabiro. Kanunay kini siya mag-ibid-ibid kanako dayon iyang pasobrahan og daghang shakoy atol sa iyang pagdeliber niini. Malipay usab ang akong mga ginikanan tungod kay makaginansya pa plus hatagan pa gayud kami. Nagtuo ako niadto nga adunay laraw sa pagpangulitawo nako siya gumikan kay maklaro man usab sa iyang mga linihokan niini.
Usa ka adlaw niana, aduna akoy nadawat nga love letter gikan kaniya. Dako na lang ang akong kahikurat sa dihang nabasahan nako nga nakagusto daw siya kanako ug iyang gipadayag ang talagsaon’g gugma nganhi kanako. Mao wala ko magbabali sa tubag niadto kay dili man sab ko makamao mobuhat og love letter.
Tungod kay naabtan na lang kadto og duha ka simana diin wala gayud ako motubag sa iyang love letter, mao giharanahan niya ako ug nakabig gayud ako sa labihan niya ka maanindot nga tingog dayon pagkahuman niana akong gipadayon siya sa among balay kay buot mamisita kanako. Nagdala pa gyud siyang bino nga giregalo niya para ngadto sa akong amahan. Gidawat lang sab sa akong tatay kay lagi bino na gud kadto.(Atangi ugma ang sumpay sa atung mabolokon nga sugilanon).

Categories: Love Letters
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: