Home > Love Letters > Gugmang Shakoy

Gugmang Shakoy

(Sa shakoy sila nagkita ug nag-ila diin karon shakoy ra usab ang utlanan sa ilang gugma)

“Ikatulo ug Katapusang Yugto”

GITAKDA gayud ang adlaw sa among kasal niadto Kuya Sonny, diin malipayon kaayo kami gumikan kay mahiusa na gayud ang duha namo ka kasingkasing.

Apan wala damha Kuya ang unos sa among kinabuhi niadto nga dili nato matagna ang matag aginod sa atung kapalaran. Dako na lang ang akong kahikurat sa dihang nakadawat ako’g balita nga nabanggaan si Rafael samtang nagmaniho siya sa iyang bisiklita atol sa paghatod niya sa mga shakoy ngadto sa ilang mga suki.

Milantap ako padulong ngadto sa tambalanan aron tabangan nako siya nga maluwas pa ang iyang kinabuhi. Apan pag-abot nako niini, midat-og kanako ang kalibutan sa dihang naabtan na lang nako nga nagbuy-od na ang patay’ng lawas ni Rafael. Misinggit ako Kuya nganong nahitabo pa kadto kaniya ug midangoyngoy ako sa tumang hilak sa gidangatan sa kinabuhi sa akong pamanhunon.
Buot na unta akong magpakamatay niadto kay dili nako buot nga biyaan ako ni Rafael. Mipaduol ako sa patay’ng lawas niya ug akong siyang gigakos aron mabuhi siya sa pagbalik.

Dangtan kadto sa duha ka oras, anaa pa ako sa kiliran niya niini uban usab ang iyang pamilya. Apan sa takulahaw kalit milihok ang mga kamot ni Rafael ug mibangon kini sa hinayhinay. Daw dili kami makatuo niadto nga nabuhi siya. Mao amo siyang gikakos agig pagpasalamat sa labaw’ng makagagahom nga wala mamatay si Rafael.

Dakong kahikurat sa mga doctors niadto tungod sa ilang nakita sa pagkabuhi pag-usab ni Rafael. Ako siyang gigakos dala danguyngoy kuya daw dili nako masabot ang akong dakong kalipay nga mibangon siya niini. Unang anaa sa akong pangisip niadto nga diay walay utlanan ang among duha ka gugma.

Karon, aduna na kami pito ka mga anak ni Rafael uban sa among apo. Sukad nga mipanaw na sa laing kalibutan ang mga ginikanan sa akong bana, kami na ang nagtiwas sa ilang pagpamuhat og shakoy karon diin maoy among ginegosyo hangtod sa utlanan sa among gugma.

Tingali, adunay uban nga dili makatuo niining among sugilanon apan kamo nay mag-igo niana sa pagtuo kung unsa ka matinud-anon ning maong panghitabo tali kanamong magti-ayon.

Daghang salamat Kuya Sonny sa imong pagtagad ning talagsaon ug matuod nga panghitabo sa among gugma ug kinabuhi.
Imong magtatampo,
Luzviminda

Categories: Love Letters
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: