Home > Bukidnon Edition > Lalaki nangawat og bugas, gipusil-patay, sinulat ni Alpha Arias

Lalaki nangawat og bugas, gipusil-patay, sinulat ni Alpha Arias

USA ka lalaki kinsa gika-alegar nga nangawat ug bugas ang napusilan patay niadtong milabay’ng adlaw sa Purok 4B, Barangay Aglayan, Malaybalay City, Bukidnon.Sa taho nga nakuha gikan sa Malaybalay City Police Station giila ang biktima nga si Roger Fantonial, hingkod, ug molupyo sa Lantapan, maong probinsya.

Sa imbestigasyon, nasayran nga ang maong biktima nangawat matod pa ug duha ka sakong bugas nga mais sa Viking Enterprises sa maong lugar.

Sumala pa sa caretaker sa maong establismento nga si Alvin Tumaroy, 24 anyos, nga matod pa nakamata siya dihang nadunggan nga dunay nag-alingasa sa tindahan.

Nakita matod pa ni Alvin ang usa ka lalaki nga nagpas-an ug usa ka sakong bugas mais.

Mipabuto matod pa sa iyang armas si Alvin isip warning shot hinungdan nga gibuhian ni Roger ang iyang gipas-an nga bugas ug mi aksyon ug kuot ug butang sa iyang hawak.

Niana, gipusil ni Tumaroy si Fantonial kinsa naigo sa lubot ug sa tuo nga bahin sa ilok. Dali sab nga misibat ang kauban ni Fantonial sakay sa usa ka motorsiklo.

Sa maong panghitabo, dali nga gitawagan ni Alvin ang iyang amo nga si Ronie Dimaano, kinsa misumbong sab ngadto sa kapulisan sa dakbayan ug gi-surender ang caretaker, uban ang M16 rifle nga gigamit niini sa pagpusil.

Ang biktima dali nga gidala sa Bukidnon Provincial Medical Center apan dead on arrival kini.

Categories: Bukidnon Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: