Home > Caraga Edition > Pagmina sa Claver balik normal na, NPA nanglayas, sinulat ni Arjay Felicilda

Pagmina sa Claver balik normal na, NPA nanglayas, sinulat ni Arjay Felicilda

CARAGA Region––Gisupak sa Taganito Mining Corporation (TMC) ug ubang mga minahan sa Claver, Surigao Norte ang palisiya sa katawhan, pasangil ni Ka Oris, tigpamaba sa NPA sa sidlakang Mindanao.Matud niya, ila nang gipahibalo ang maong mga minahan mahitungod sa maong mga kasupakan, apan gibaliwa-wala lamang nila ang tanan.

Gidemanda sa NPA ang pag-undang sa mining operations sa Claver; pagtagad sa mga isyu sa mga lumad; ug pag-atiman sa kina-iyahan. Miyangungo usab ang NPA batok sa ubos nga sweldo sa mga trabahante, nagkanayon si Ka Oris.

Dungan sa pagtingog ni Ka Oris, milanog usab ang pahibalo ni Major Eugene Osias, tigpamaba sa 4th Infantry Division, Philippine Army nga mibiya na ang 200 ka NPAs gikan sa compound sa TMC ug laing duha ka  minahan sa Claver bulana.

Sa pagkakaron, gipang-ibot na lang ang landlines nga gitanom sa mga ‘rebelde’ sulod sa nahisgotang mga minahan.
Gisugdan na sab pag-ihap ang mga trabahante aron masigurong walay usa kanilang gidala sa mga ‘rebelde’ atol sa ilang paglayas.

Samtang gikompirmar ni Surigao Norte Gov. Sol Matugas nga walay tatsa ang dili mominus 100 ka mga Hapon nga nagtrabaho sa Taganito Mining Corporation (TMC). Sila na-secure sulod sa ilahang bunkhouses sa dihang miatake ang mga ‘rebelde.’

Nasayran nga sa unang bahin sa pangatake, gipapa-uli sa mga ‘rebelde’ ang mga trabahante sa TMC, apan gibihag  sila si Resident Mine Manager Jose Anievas, Group Manager Rogel Cabauatan ug Chief Security Rene Ferenal. Silang tulo gipaapil sa negosasyon ug gibuhian  pagka-3:30 sa hapon, Lunes.

Ang Crisis Management Committee sa Surigao Norte mibutyag nga ang mga ‘rebelde’ nagtakubang mga sundalo sa gobyerno mao nga dali ra kaayong nakasulod sa compound sa TMC sa alas-9 sa buntag, Lunes. Sila nagsul-ob og camouflage nga iniporme militar samtang gibugkosan og yellow ribbon ang tumoy sa ilahang mga armas.

Midugang pag-ingon si Major Osias nga bisag milayas na ang mga ‘rebelde’ gikan sa nahisgotang mga minahan, “dili namo sila lung-an paggukod ug mag-agad lamang kami sa mosunod nga kamandoan sa among kadagkoan.”  (uban sa report sa PIA-13 ug RMN)

Categories: Caraga Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: