Home > Caraga Edition > 10 ‘durogista’ dakpan, sinulat ni Arjay Felicilda

10 ‘durogista’ dakpan, sinulat ni Arjay Felicilda

CAMP Rodriguez, Butuan City––Napulo ka tawo nadakpan atol sa anti-illegal drug operations sa Caraga Region.Subay sa search warrant nga gi-isyu ni  Judge Rolando Literato, gisiksik sa kapulisan ang usa ka balay sa  Brgy.  Aurelio, San Jose, Dinagat Island ug gisikop si Mr. Jose Pacquiao Briones, 41 anyos; Ms. Melba Alegado, 39 anyos; Ms. Meralyn Briones, 21 anyos; ug Ms. Gretchen Briones, 19 anyos.

Misaksi sa operasyon sila si Brgy Chair Yngwie Hero Ecleo ug Brgy Kag. Mario Pelegrino.
Samtang subay sa mando ni Judge Eduardo Casals, gisikop sa kapulisan si Mr. Abdul Esmael Miraato, 44 anyos, taga-Brgy Ong Yiu, Butuan City.

Nasikop usab si Mr. Arnold Ghelo sa Brgy. Villakananga, Butuan City subay sa mando ni Judge Manuel Escatron;  ug Mr. Glenn Apurado Panes, 39 anyos, atol sa buy-bust operation sa Castillo Boarding House, San Fancisco, Agusan Sur.

Sa laing buy-bust operation sa Springville, Brgy Luna, Surigao City nasikop si Sidewalk Vendor Abdulah Raga Matuan, 33 anyos. Ang pagsikop kaniya gisaksihan nila ni Mrs Anecita Escudo sa DOJ, RPN-DXKS Reporter Elvis Romero ug Brgy. Washington Chair Jose Edradan.

Sa nasangpit nga mga operasyon, nakuha sa kapulisan ang laya nga mga dahon sa marijuana; kalibre  45 nga pistola nga may siyam ka bala ug duha ka magazines, usa ka motorisklo; siyam ka  sachets sa ‘shabu’, drug paraphernalia, p78,500 cash,  plastic cellophanes, fashion jewelries, siyam ka celfons, tulo ka sim packs, tulo ka battery charges, tulo ka mga relo, gold earings ug uban pa.

Ang naasoy’ng anti-illegal drugs operations gipahigayon sa Dinagat Islands PPO Special Operations Group; Surigao Norte Provincial Public Safety Company ubos ni P/Insp. Ador Tayag; Philippine Drugs Enforcement Agency; Butuan City Police Office ubos ni P/Sr. Insp Rowena Martinez ug P/Insp. Rodolfo Ledesma; ug Surigao Norte Police Provincial Office ubos ni P/Sr. Insp.  Dick Cale.

Ang mga dinakpan gi-andaman na og mga kaso subay sa anti-illegal drugs law. (PO3 Zena Menioria Panaligan, SPO1 Arturo S Campania ug PO3 Zena Menioria Panaligan, PRO-13 Info Office/asf)

Categories: Caraga Edition
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: